نوشهروفيروز ويجهو ڳوٺ نوازيو ڀان ۾جهيڙي دوران ڀاءُ ڀيڻ زخمي، احتجاج

نوشهروفيروز (ڊ ر) ڳوٺ نوازيو ڀان ۾ گندي پاڻيءَ جي نيڪال تان ڀان برادري جي ٻن ڌرين وچ جهيڙو ڪهاڙيون ۽ سروٽا لڳڻ سبب ڀاءُ ڀيڻ زخمي ٿي پيا زخمين ۾ عطا مصطفا ڀان ۽ سندس ڀيڻ شامل آهن جن پريس ڪلب آڏو احتجاج ڪندي صحافين اڳيان دانهيندي چيو آهي ته جوابدارن مولوي سردار ڀان ،مبين ۽ متين ڀان وارن اسان جي گهر جو گندو پاڻي ناليء ۾ سرون ۽ پٿر وجهي بند ڪري ڇڏيو آهي جيڪو اسان کولي رهيا هئا سين ته جوابدارن ڪهاڙين ۽ سروٽن سان حملو ڪيو جنهن سبب اسان زخمي ٿي پيا سين هنن چيو ته گهٽي ۽ نالي سرڪاري آهن جنهن ۾ سڄي ڳوٺ جو گندو پاڻي نيڪال ٿئي ٿو پر جوابدار اسان جي گهر جو نيڪال بند ڪن ٿا جيڪا زيادتي آهي اين سي ٺاروشاهه ٿاڻي تي داخل ڪرائي آهي پر پوءِ جوابدارن خلاف قدم کڻڻ لاءِ تيار ناهي جيڪي ڌمڪيون ڏئي رهيا آهن هنن ايس ايس پي نوشھروفيروز ،سيشن جج ۽ ٻين وس وارن کان معاملي جي جاچ ڪري جوابدار گرفتار ڪرڻ جو مطالبو ڪيو آهي