ڏوڪري ڀرسان ٽاٽڙي ريگيوليٽر وٽ آبادگارن جو پاڻي کوٽ نٽھڻ اُس ۾ ڌرڻو، ٽريفڪ معطل

آٻپاشي عملدارن ٽاٽڙي ريگيوليٽر جا دروازا هٿرادو بند ڪري ڇڏيا آھن جنهن سبب پاڻي کوٽ پيدا ٿي وئي آهي: آبادگار

ڏوڪري (رپورٽر) ڏوڪري ڀرسان ٽاٽڙي ريگيوليٽر وٽان آبادگارن جو پاڻي کوٽ خلاف 3 ڪلاڪ نٽھڻ اس ۾ احتجاجي مظاهرو ڪري ڌرڻو هنيو ويو،جڏھن ته آبادگار هارين ذوالفقار ٻگهيو علي اصغر ڪسر سائين پڃيل شاه متارو،عزيز احمد ٻگهيو،عرفان علي ٻگهيو جي اڳواڻي ۾ احتجاجي مظاهرو ڪري ڌرڻو هنيو ويو.ان موقعي تي احتجاج ڪندڙ آبادگارن هارصن جو چوڻ ھو ته ايريگيشن کاتي جا عملدار ملي ڀڳت ڪري ٽاٽڙي ريگيوليٽر جا دروازا هٿرادو بند ڪري ڇڏيا آھن.جنهنڪري پاڻي جي کوٽ پئدا ٿي وئي آھي.هنن چيو ته هٿرادو پاڻي جي کوٽ ڪري پاڻي نٿو ڏنو وڃي.هنن چيو ته ٽاٽڙي ريگيوليٽر جا عملدار رات جو بااثرن کان ڳري رشوت وٺي،پاڻي کپائي ڏنو ٿو وڃي.هنن چيو ته اسان جون هزارين ايڪڙ زمين بنجر بڻجي ويون آھن.اسان جو ٻيجارو سُڪي رهيو آھي.هنن صوبائي وزير آبپاشي ۽ ضلعي انتظاميه کان مطالبو ڪيو آھي ته ھٿرادو پاڻي جي کوٽ ختم ڪئي وڃي،جيئن اسان پنهنجون زمينون آباد ڪري سگهون.