پورٽ قاسم ۾ ٽيڪسٽائل فيڪٽري پاران پاڻي جي مبينا چوري، واٽر بورڊ جي ڪارروائي

199 views | 22nd Jul 2025 • سنڌي خبرون

انٽي ٿيفٽ سيل واٽر ڪارپوريشن پاران پورٽ قاسم انڊسٽريل ايريا ويجهو ڪامياب ڪارروائي

پورٽ قاسم ۾ ٽيڪسٽائل فيڪٽري پاران پاڻي جي مبينا چوري، واٽر بورڊ جي ڪارروائي

ملير (رپورٽ: عبدالرشيد مورجھريو) پاڻي چورن خلاف واٽر ڪارپوريشن جون ڪارروايون تيزي سان جاري آهن ان سلسلي ۾ انٽي ٿيفٽ سيل واٽر ڪارپوريشن پاران پورٽ قاسم انڊسٽريل ايريا ويجهو ڪامياب ڪارروائي ڪندي ڊينم انٽرنيشنل ڪمپني پاران پاڻي چوري جو وڏو اسڪينڊل وائکو ڪري ڇڏيو ترجمان موجب ڪمپني کي قانوني طور ڏيڍ انچ جوواٽرڪنيڪشن ڏنو ويو هو پر اُن جي باوجود ڪمپني هاليجي ڪنڊيوٽ مان 6 انچ جي غيرقانوني سمر پمپ ذريعي روزانو هزارين گيلن پاڻي چوري ڪري رهي هئي واٽر ڪارپوريشن جي انٽي ٿيفٽ سيل، چيف سيڪيورٽي آفيسر ۽ ٻين عملدارن گڏجي آپريشن ڪندي غيرقانوني سمر پمپ ڪٽي ڇڏيو۔ ترجمان ٻڌايو ته قانوني ڪارروائي لاءِ واٽر ڪارپوريشن جو عملو لاڳاپيل ٿاڻي تي موجود آهي ۽ ملوث عنصرن خلاف سخت قانوني قدم کنيا ويندا۔ واٽر ڪارپوريشن ترجمان جو چوڻ هو ته پاڻي چور ڪنهن به صورت ۾ معافيءَ جو حقدار نه آهي۔