ٻيلا بچايو ڪميٽي...!!

زين دائودپوٽو

منھنجي ۽ منھنجي ساٿين جي 25 سالن جي محنت ۽ منھنجي خواب کي ساڀيان ملي ڪالھ نوشھروز ۾ ٻيلا بچايوڪميٽي نوشھوروفيروز جي ڪوآرڊينيٽر زاھد پنھور ۽ فقير محمد سولنگي جي لاجواب ميزباني ھيٺ سڄي سنڌ جي ٻيلا بچايو ڪميٽين جو ڪٺ ٿيو جنھن ۾ سڄي سنڌ جي ساٿين شرڪت ڪئي جڏھن ته چيھو جو رئيس شبير خان راڄپر پڻ سڪ ۾ ڪھي آيو ۽ مبصر طور شرڪت ڪئي سندس ٿورا. اجلاس ۾ وڏي بحث کانپوء ڪيترائي فيصلا ڪيا ويا. سڄي سنڌ جي ٻيلا بچايو ڪميٽين کي ٻيلا بچايو ڪميٽي نالي سان تنظيم جي شڪل ڏني وئي جنھن جو دائرو سنڌ جي ٻيلن سان گڏ سڄي سنڌ ۾ وڻڪاري ۽ وڻن جي بچاء ۽ ان لاء ھلندر سرگرمين جو ساٿ ڏيڻ ھوندو ۽ متفقه راء سان ان جي مرڪزي عبوري باڊي جوڙي وئي جنھن ۾ چيئرمين زين دائودپوٽو وائيس چيئرمين فقيرمحمد سولنگي جنرل سيڪريٽري وحيد شاھ رابطا سيڪريٽري عزيز زرداري فنانس سيڪريٽري قيوم گڏاڻي ۽ پريس سيڪريٽري عطامحمد نوناري مقرر ڪيا ويا. عھديدارن سوڌو تيرنھن رڪني مرڪزي ڪميٽي پڻ چونڊي وئي جن ۾ غلام حيدر راڄڙ اسلم سمون شبانه پيرزادو محمد عمر مگسي گلشير پنھور رفيق چانڊيو محمد اسماعيل ڪورائي شامل آھن ان کان علاوه ڇھ رڪني آئين منشور ڪميٽي پڻ جوڙي وئي جنھن ۾ زين دائودپوٽو آچر راڄڙ حبدار ملاح انعام الله پنھور عبدالله ھڱورو محب آزاد شامل آھن تنظيم جي آفيس فنانس ڏيھي ۽ پرڏيھي تنظيمن ۽ اتحادن سان گڏجڻ لاء ڪيترائي فيصلا ڪيا ويا تنظيم کي سگھارو ڪرڻ لاء سنڌ جي ماڻھن خاص ڪري ڳوٺن ۾ وڻن ۽ ٻيلن جي ماحولياتي ۽ معاشي سپورٽ واري اھميت بابت جاڳرتا پيدا ڪئي ويندي ٻيلا بچايو ڪميٽي جي جدوجھد ۽ سنڌ جي ٻيلن جي اشوز کي دنيا تائين پھچائڻ لاء ويب سائيٽ چئنل پيج ٺاھڻ کان علاوه سمورا جديد ذريعا استعمال ڪرڻ جو فيصلو ڪيو ويو جيڪا ذميواري پير محمد نوناري مصطفى ھڱورو جي حوالي ڪئي وئي اجلاس ۾ ٻيلي کاتي جي لوئر اسٽاف جي سمورن جائز مسئلن جي حمايت جو فيصلو ڪيو ويو ۽ ان سلسلي ۾ انھن جي ھلندڙ جدوجھد ۾ ساٿ ڏيڻ جو فيصلو ڪيو ويو ايندڙ جنرل باڊي جو اجلاس 28 ڊسمبر آچر جي ڏينھن اڇڙي ٿر جي ڳوٺ ميان غلام حيدر راڄڙ ۾ ٿيندوجنھن ۾ آئين منشور پاس ڪري نئين باڊي ۽ مرڪزي ڪميٽي چونڊي ويندي رات جو مچ ڪچھري ٿيندي ۽ ٻئي ڏينھن صبح جو ساٿين کي اڇڙي ٿر جي وزٽ ڪرائي ويندي اجلاس ۾ گڏيل قرارداد پاس ڪرائي گھر ڪئي وئي ته سنڌ جي سمورن ٻيلن تان قبضا ختم ڪرائي انھن کي بحال ڪرائڻ جون ڪوششو ورتيون وڃن ۽ سپريم ڪورٽ جي ھدايتن کي مان ڏنو وڃي ٻيلن مان واڍي بند ڪرائي وڃي ۽ واڍي ڪندڙ ۽ ڪاٺ اسمگل ڪندڙن تي ڏنڊ وجھڻ بدران ايف آء آر ڪرائي وڃي ھلندڙ آبڪلاڻي سيزن ۾ سنڌ جي ٻيلن جي سموري ٻڏندڙ ايراضي ۾ ڇٽ ڪرائي وڃي. سئو سيڪڙو وڻ پوکڻ واري نئين فاريسٽ پاليسي تحت سڄي جا ٻيلا بحال ڪيا وڃن ۽ ان ۾ مقامي ماڻھن کي اھميت ڏني وڃي. سڄي سنڌ ۾ وڻن جي واڍي ٿر ۽ ڪاڇي ۾ وڻن جي قتل عام کي روڪيو وڃي ۽ سنڌ سرڪار ان لاء سخت قدم کڻي سڄي سنڌ ۾ آرامشينن ۽ ڪاٺ جي ڊپوئن لاء ٺھيل قانونن تي سختي سان عمل ڪيو وڃي ٻيلي کاتي جي ملازمن جا جائز مسئلا حل ڪيا ويا وڃن ٻيلي کاتي ۾ سياسي مداخلت بند ڪري ايمانداري ۽ سچائي سان ڪم ڪندڙ آفيسرن کي پنھنجي ڪم ۾ آزاد ڇڏيو.