نوشهروفيروز ۾ ڳوٺ پليو مستوئي واسين جو ٻن ڄڻن جي قتل خلاف احتجاج

پيار پرڻو ڪندڙ جوڙي سان ڪو به تعلق يا ويجهڙائي نه هجڻ باوجود حملو ڪيو ويو: موريل مستوئي

نوشهروفيروز (ڊ ر) نوشهروفيروز ڳوٺ پليو مستوئي ۾ پيار جي پرڻي تان ٿيل خونريزي وارو معامرو ، مستوئي برادري جي ماڻهن پاران پريس ڪلب پهچي احتجاجي پريس ڪانفرنس ڪئي وئي ڳوٺاڻن محمد موريل مستوئي، صدورو خان ۽ غلام مصطفا مستوئي ۽ ٻين چيو ته پيار جو پرڻو ڪندڙ جوڙي واري ڌر سان اسان جي ڪابه ويجهڙائپ يا مٽي مائٽي ناهي باقي ذات وارا آهن ان جي باوجود به سيالن هٿياربند ٿي اسان جي گهرن تي حملو ڪري ٻن نوجوانن صفدر علي ۽ پياري مستوئي کي بيگناھ قتل ڪيو ۽ ايڊووڪيٽ برڪت علي مستوئي سميت پنجن ڄڻن کي زخمي ڪيو آهي هنن چيو ته جوبدار سرائي حبيب الله سيال، مظفر سيال، شير خان سيال، دلدار ، فهيم سيال ۽ ٻيا اڃان تائين به اسان کي ڌمڪيون ڏئي رهيا آهن ته جيڪڏهن ڪيس تان هٿ نه کڻندو ته جاني توڙي مالي نقصان پهچايو ويندو جن ماڻهو به اسان جا قتل ڪيا آهن ۽ ميڊيا تي غلط بياني ڪري پاڻ کي بچائڻ جي ڪوشش ڪري رهيا آهن هنن آءِ جي پي سنڌ، ڊي آءِ جي پي شهيد بينظير آباد، سيشن جج نوشهروفيروز، ايس ايس پي نوشھروفيروز کان مطالبو ڪيو ته اسان جي نوجوانن جي قاتلن جيڪي سري عام گهمي رهيا آهن انهن کي گرفتار ڪيو وڃي جي نه ٻي صورت ۾ سخت احتجاج ڪيو ويندو