ملير: ايپڪا پاپوليشن ويلفيئر جي چيئرمين عبدالقدوس شيخ ۽ ٻين جي ڪراچي بار جي وڪيل اڳواڻن سان ملاقات

ملير(رپورٽ: عبدالرشيد مورجھريو) ايپڪا پاپوليشن ويلفيئر ڊپارٽمينٽ جي چيئرمين عبدالقدوس شيخ، جنرل سيڪريٽري قدير حسين، ۽ ايس ڪي هيومن رائيٽس جي چيئرمين غلام رسول ڪورائي، ڪراچي بار جي ايڪٽنگ جنرل سيڪريٽري ۽ وڪيل برادري سان هڪ اهم ملاقات ڪئي ان موقعي تي پاپوليشن ويلفيئر ڊپارٽمينٽ اندر ٿيندڙ ڪرپشن، ظلمن، زيادتين ۽ انتقامي ڪاررواين بابت تفصيلي بريفنگ ڏني وئي۔ڪراچي بار جي ايڪٽنگ جنرل سيڪريٽري عمران عزيز ۽ ٻين ميمبرن کي مڪمل سهڪار جو يقين ڏياريو عمران عزيز پنهنجي بيان ۾ ايپڪا جي چارٽر آف ڊيمانڊ جي ڀرپور حمايت جو اعلان ڪندي چيو ته هاڻ ڪراچي بار به پاپوليشن ويلفيئر ڊپارٽمينٽ جي ملازمن سان گڏ بيٺل آهي ۽ کين انصاف ملڻ تائين ساڻن گڏ رهندي۔ايڪٽنگ جنرل سيڪريٽري پنهنجي بيان ۾ وزيراعليٰ سنڌ جناب مراد علي شاهه ۽ چيف سيڪريٽري سنڌ کان مطالبو ڪيو ته هو فوري طور هن معاملي جو نوٽيس وٺن ۽ ايپڪا پاپوليشن جي جائز مسئلن جو حل ڪڍن۔ ٻي صورت ۾، جيڪڏهن 17 جولاءِ 2025 تائين مطالبا نه مڃيا ويا ته پوءِ دمادم مست قلندرٿيندو۔