ڪراچي جي بحريا ٽائون مان عورت کان ڏينهن ڏٺي جو ڦر

پرسنٽ 1 ايريا ۾ هٿياربندن عورت کان ڪار ۽ قيمتي سامان ڦري ڪار ڇڏي فرار ٿي ويا

ملير (رپورٽ: عبدالرشيد مورجھريو) بحريا ٽائون ڪراچي جي علائقي پرسنٽ 1 ۾ ڏينهن ڏٺي جو هٿياربندن عورت کي يرغمال بڻائي سندس ڪار ۽ قيمتي سامان ڦر ڪري ورتو واردات کان پوءِ جوابدار ڪار ساڳي هنڌ ڇڏي فرار ٿي ويا اطلاعن موجب واقعو ان وقت پيش آيو جڏهن متاثر عورت ذاتي ڪم سانگي پرسنٽ 1 ۾ موجود هئي. اوچتو ٻن هٿياربند جوابدارن کيس روڪيو ۽ گن پوائنٽ تي ڪار ڦر ڪئي. ڪار ۾ موجود نقد رقم، موبائل فونز ۽ ٻيو قيمتي سامان پڻ ساڻ ڪري فرار ٿي ويا.رهواسين جو چوڻ آهي ته جوابدار تمام منظم ۽ ماهر انداز ۾ عورت کي نشانو بڻايو، ۽ ڪجهه ئي لمحن ۾ سڄي واردات سرانجام ڏئي فرار ٿي ويا واردات جي فوري بعد علائقي واسين سيڪيورٽي ادارن کي اطلاع ڏني. بحريا ٽائون جي سيڪيورٽي ٽيم ۽ مقامي پوليس واقعي واري هنڌ پهچي علائقي کي گهيري ۾ وٺي ڇڏيو. سي سي ٽي وي فوٽيج ذريعي شواهد گڏ ڪيا پيا وڃن ۽ جوابدارن جي سڃاڻپ ۽ گرفتاري لاءِ جاچ جاري آهي.