سنڌ اسيمبلي جي ڊپٽي اسپيڪر نويد سان راجوير سنگهه سوڍو ۽ ڊاڪٽر لال چند اوڪراڻي جي ملاقات

عمرڪوٽ (رپورٽ:ڪانجي مل رکيسر) انساني حقن واري کاتي جي ۽ وزيراعليٰ سنڌ جي خاص مددگار معاون خاص، معزز راجوير سنگھ سوڍو ۽ اقليتي معاملن واري کاتي تي خاص مددگار ڊاڪٽر لالچند اوڪراڻي ، سنڌ اسيمبلي ۾ ڊپٽي اسپيڪر نويد سان اهم ملاقات ڪئي، ھي ملاقات سنڌ اسيمبلي جي عمارت ۾ ٿي، جتي موجوده سياسي، سماجي ۽ اقليتن سان لاڳاپيل معاملن تي تفصيلي ڳالهه ٻولهه ڪئي وئي، ملاقات دوران انساني حقن جي تحفظ، اقليتن جي ڀلائي، ۽ بين المذاهب هم آهنگي کي فروغ ڏيڻ بابت ويچار ونڊيا ويا، معزز راجوير سنگھ سوڍا جي ٽيم پڻ ملاقات ۾ موجود هئي، جن سنڌ حڪومت جي اقليتن لاءِ جاري قدمن ۽ پاليسين بابت روشني وڌي، ڊاڪٽر لالچند اوڪراڻي صاحب اقليتي برادرين کي درپيش مسئلن بابت آگاهي ڏني ۽ انهن جي حل لاءِ لاڳاپيل ادارن سان گڏجي ڪم ڪرڻ جي عزم جو اظهار ڪيو، ڊپٽي اسپيڪر محترم نويد ٻنهي معزز مهمانن جي ڪوششن کي ساراهيندي چيو ته سنڌ اسيمبلي هميشه انساني حقن ۽ اقليتي برادرين جي تحفظ لاءِ پنهنجو ڪردار ادا ڪندي رهندي.