عمرڪوٽ ۾ سنڌي ادبي سنگت جو ڪئنالن خلاف احتجاج

ٽي تلوار چوڪ تي بک ھڙتالي ڪئمپ قائم ڪندي ڌرڻو هنيو ويو

عمرڪوٽ(رپورٽ:ڪانجي مل رکيسر) عمرڪوٽ ۾ سنڌي ادبي سنگت شاخ پاران سنڌو درياءۡ مان 6 ڪئنال ڪڍڻ خلاف پريس ڪلب آڏو احتجاجي مظاھرو، ايس ٽي پي طرفان سنڌو تي ڌاڙو نامنظور جي نعري بازي ڪندي ٽي تلوار چوڪ تي بک ھڙتالي ڪئمپ قائم ڪندي ڌرڻو، ٽريفڪ معطل. خبر موجب عمرڪوٽ ۾ سنڌي ادبي سنگت شاخ عمرڪوٽ پاران سنڌو درياءۡ مان 6 ڪئنال ڪڍڻ خلاف پريس ڪلب آڏو ايڊوڪيٽ گل منير ولهاري، سهيل ڪنڀر، رسول بخش رحيمداڻي، هرچند ساگر،  ميوارام نجار، رحيم مهر، اسلم مهر سميت ٻين جي  اڳواڻي ۾ احتجاجي مظاهرو ڪري نعري بازي ڪئي ويئي جڏھن ته ايس ٽي پي طرفان ٽي تلوار چوڪ تي بک ھڙتال ڪئمپ قائم ڪندي ڌرڻو ھنيو ويو جنھن ۾ مرڪزي اڳواڻ نثار ڪيريو، ميهار بنگلاڻي، ڪامريڊ پمون مينگھواڙ، ڪريم منگريو، باغي شاھد ساند سميت ٻين اڳواڻن شرڪت ڪئي احتجاجي مظاھري ۽ بک ھڙتال ڪئمپ دوران اڳواڻن طرفان سنڌو تي ڌاڙو نامنظور جي نعرا ھنيا ويا اڳواڻن چيو ته سنڌ ۾ پاڻي کوٽ گهڻي وقت کان برقرار آهي مٿان وري ارسا ايڪٽ ۾ غيرقانوني ترميمون ڪري سنڌو درياءۡ مان غيرقانوني ڪئنال ڪڍي سنڌ کي سُڪائڻ لاءۡ سازشون ڪيون پيون وڃن جيڪو سازشون ناڪام بڻائينداسين سنڌ درياءۡ اسانجو جياپو آهي ان مان ڪئنال ڪڍڻ خلاف مزاحمت تيز ڪري اهو غيرقانوني منصوبو رد ڪرايو ويندو اڳواڻن چيو ته سنڌو درياه تي ٺھندڙ ڪوبه ڪئنال ڪنهن به صورت ۾ قبول ناهي سنڌو درياء بچايو تحريڪ ڀرپور نموني سان تحريڪ هلائي هر حال به سنڌو درياءۡ بچايو ويندو لڳل ڪئمپ ۽ ڌرڻي سبب ميرپورخاص عمرڪوٽ روڊ بلاڪ ٽريفڪ معطل ٿي ويئي ۽ سنڌو تي ڌاڙو نامنظور ڪئنال سمورا نامنظور جا زوردار نعرا ھنيا ويا.