پ پ ملير جي صدر راجا عبدالرزاق بلوچ جي صدارت هيٺ اجلاس

اجلاس ۾ شهيد ذوالفقار علي ڀٽو جي 46هين ورسي جي انتظامن بابت غور ويچار ڪيو ويو

ملير (عبدالرشيد مورجھريو)شهيد ذوالفقار علي ڀٽو جي 46 هين ورسي جي انتظامن بابت اهم اجلاس پاڪستان پيپلز پارٽي ملير جي صدر راجا عبدالرزاق بلوچ جي صدارت هيٺ اهم اجلاس ٿيو، اجلاس ۾ چيئرمين بلاول ڀٽو زرداري جي تقرير ۽ 4 اپريل جي جلسي جي انتظامن بابت تفصيلي بريفنگ ڏني وئي اجلاس ۾ جنرل سيڪريٽري امداد جوکيو، انفارميشن سيڪريٽري شاهجهان خان، ملير جي ايم اين ايز سيد آغا رفيع الله، عبدالحڪيم بلوچ ايم پي ايز ساجد جوکيو، سليم بلوچ. محمود عالم ڄاموٽ. ڊپٽي ميئر سلمان عبدالله مراد، ٽائون چيئرمين ابراھيم حيدرينظير احمد ڀٽو، چيئرمين طارق عزيز ۽ چيئرمين جان محمد بلوچ ٻين شرڪت ڪئي، منظور بلوچ حسن بلوچ ،نعيم عباسي امير جت پارلياماني ليڊرن اختر يوسف عارفاڻي، رياض بلوچ، ڌڻي بخش سمون ڊاڪٽر مقبول ميمڻ ۽ ٻين پارٽي اڳواڻن شرڪت ڪئي. ان موقعي تي مقررين شهيد ذوالفقار علي ڀٽو جي جمهوري جدوجهد ۽ عوامي خدمتن کي خراج عقيدت پيش ڪيو ۽ ان عزم جو اظهار ڪيو ته ورسي تقريب شاندار انداز ۾ ملهائي ويندي. اجلاس ۾ اجلاس جي انتظامن، سيڪيورٽي، عوام جي شرڪت ۽ ميڊيا ڪوريج بابت اهم معاملن تي خيالن جي ڏي وٺ ڪئي وئي. راجا عبدالرزاق بلوچ اجلاس جي شرڪت ڪندڙن کي هدايت ڪئي ته سموريون تياريون مڪمل ڪيون وڃن ته جيئن شهيد ڀٽو جي ورسي جي موقعي تي تاريخي جلسو منعقد ڪري سگهجي. پاڪستان پيپلز پارٽي جا اڳواڻ ۽ ڪارڪن 4 اپريل تي عظيم قائد شهيد ذوالفقار علي ڀٽو کي خراج عقيدت پيش ڪندا ۽ سندس مشن کي جاري رکڻ جي عزم جو ورجاءُ ڪندا.