عمرڪوٽ ۾ مارواڙي ڀٽي جماعت پاڪستان جي انتظام هيٺ افطار پروگرام

پروگرام ۾ ضياءُ الرحمان، حافظ عرفان شاهين، شهزاد پريمي، راشد ڪامران، اڪرام اقبال ۽ ٻين جي شرڪت

عمرڪوٽ (رپورٽ:ڪانجي مل رکيسر)مارواڙي ڀٽي جماعت پاڪستان جي انتظام هيٺ جماعت جي اداري "نئين اميد، نئين زندگي" منشيات جي بحالي مرڪز ۾ هڪ خاص افطار پروگرام منعقد ڪيو ويو. هن بابرڪت موقعي تي جماعت جي اعليٰ قيادت، معزز شخصيتن، ۽ صحافين کي خاص طور تي دعوت ڏني وئي ته جيئن بحالي جي مرحلن، مريضن جي حالت، ۽ علاج جي عمل بابت آگاهي ڏني وڃي.افطار پروگرام ۾ جماعت جي اعليٰ قيادت شرڪت ڪئي، جن ۾ شامل هئا:چيئرمين شوريٰ ڪميٽي محمد آصف ڀٽيڊائريڪٽر فنانس سيڪريٽري حاجي ضياءُ الرحمان ڊائريڪٽرجنرل سيڪريٽري حافظ عرفان شاهين ڪنري ريجن هيڊ شهزاد پريمي سينيئر شوريٰ ميمبر راشد ڪامران، اڪرام اقبال شعبه ويلفيئر ڪنري ريجن سربراهه ارشد صديق ۽ ڪراچي ريجن ويلفيئر ميمبر شاهد حيدرشعبه ميمبر شاهد اصغر، راشد اڪبر، ۽ امجد بامن چيئرمين شوريٰ ڪميٽي محمد آصف ڀٽي ميڊيا کي ٻڌايو ته "نئين اميد، نئين زندگي" منشيات جي بحالي جو واحد ادارو آهي،جيڪوضلع عمرڪوٽ ۽ ڊويزن ميرپور خاص جي سڀ کان وڏي سينٽر طور ڪم ڪري رهيو آهي. هتي سنڌ جي مختلف علائقن مان مريض مفت علاج حاصل ڪري رهيا آهن. هن مريضن جي حوصلا افزائي ڪندي چيو،"زندگي ڏانهن واپس اچڻ هڪ نعمت آهي، ۽ توهان سڀني کي پاڻ سان واعدو ڪرڻ گهرجي ته منشيات جهڙي لعنت کان هميشه لاءِ پري رهندؤ ۽ پنهنجي خاندان جي بهتري لاءِ ڪم ڪندؤ."ڊائريڪٽر فنانس سيڪريٽري حاجي ضياءُ الرحمان ميڊيا کي ٻڌايو ته هن وقت بحالي مرڪز ۾ 60 مريض علاج هيٺ آهن، جڏهن ته 10 ماڻهو مڪمل بحالي بعد عام زندگي ڏانهن موٽي چڪا آهن.ڊائريڪٽر جنرل سيڪريٽري حافظ عرفان شاهين عوام کي اپيل ڪئي ته "منشيات کان متاثر ٿيل ماڻهو پاڻ فيصلا ڪرڻ جي قابل نه هوندا آهن، انهن کي پنهنجن جي مدد جي ضرورت هوندي آهي. هتي اچو، همت ڪريو، علاج ممڪن آهي، ته جيئن اسان سڀ گڏجي هڪ بهتر معاشرو ٺاهي سگهون ۽ منشيات کان پاڪ پاڪستان جو خواب پورو ڪري سگهون." ڪنري ريجن هيڊ شهزاد پريمي چيو ته "منشيات جو شڪار رڳو هڪ فرد نه پر پورو خاندان متاثر ٿيندو آهي. هتي علاج هيٺ 60 مريضن سان گڏ 120 خاندان مشڪلاتن کي منهن ڏئي رهيا آهن. اسان کي بحالي جي عمل ذريعي انهن خاندانن کي نئين اميد فراهم ڪرڻي آهي."ڪراچي ريجن شعبه ويلفيئر ميمبر شاهد حيدر چيو،"ڪراچي مان به وڏي انگ ۾ مريض هتي علاج لاءِ آيا آهن، ۽ مان ڏسي رهيو آهيان ته اهي تمام تيزي سان صحتياب ٿي رهيا آهن. ان جو سهرو بحالي مرڪز جي تجربيڪار ٽيم ۽ ماهر ڊاڪٽرن کي وڃي ٿو، جيڪي ڏينهن رات انهن مريضن جي مدد ڪري رهيا آهن. ان شاءَ الله، ڪراچي ريجن هميشه هن مشن جو ساٿي رهندو."افطار پروگرام ۾ شريڪ صحافين بحالي مرڪز جي صفائي، نظم و ضبط، ۽ مريضن جي موثر ڪائونسلنگ جي واکاڻ ڪئي. انهن مارواڙي ڀٽي جماعت پاڪستان جي انسانيت لاءِ بي لوث خدمتن کي ساراهيندي چيو،هي جماعت بنا ڪنهن فرق جي هر ضرورت مند جي مدد ڪري رهي آهي، جيڪو ساراهڻ جوڳو عمل آهي. اسان کي اميد آهي ته هي مشن وڌيڪ اڳتي وڌندو ۽ منشيات خلاف مضبوط مهم جي بنياد بڻجندو."هي پروگرام نه رڳو افطار جو سعادت ڀريو موقعو هو، پر اهو هڪ مثبت پيغام به هو ته منشيات خلاف جنگ ۾ اسان سڀني کي پنهنجو ڪردار ادا ڪرڻو پوندو.