مورو ۾ سيد غوث علي شاهه المعروف پيارو سائين جي درگاهه تي فقراءَ محفل

گادي نشين ۽ بزم صوفياءِ سنڌ جي صدر صوفي غلام مصطفيٰ ڪانڌڙو، ولي عھد جاويد مصطفيٰ ڪانڌڙو ۽ ٻيا شريڪ

مورو (رپورٽر) مورو شھر جي مشھور صوفي بزرگ حضرت سيد غوث علي شاھ المعروف پيارو سائين رح جي درگاھ تي ماھوار فقرائي محفل عقيدت ۽ احترام سان ملهايو ويو. ان سلسلي ۾ درگاهه جي گادي نشين ۽ بزم صوفياءِ سنڌ جي صدر صوفي غلام مصطفيٰ ڪانڌڙو، ولي عھد جاويد مصطفيٰ ڪانڌڙو، محمد اسجل ڪانڌڙو جي اڳواڻي ۾ روح پرور محفل ٿي گذري جنهن ۾ صوفي راڳين فقيرن مريدن عقيدت مندن شھرين اديبن شاعرن ليکڪن دوڪاندارن وڏي انگ ۾ شرڪت ڪئي ۽ پياري فقير جي مزار تي پهچي درگاهه تي چادر چاڙھي وئي. جتي خطاب ڪندي درگاھ جي گادي نشين صوفي غلام مصطفيٰ ڪانڌڙو، ولي عھد جاويد مصطفيٰ ڪانڌڙو، محمد اسجل ڪانڌڙو چيو تہ سنڌ ۾ پاڻي جي شديد کوٽ پيدا ٿي وئي آهي چولستان جا تڪراري ڪينال ھرگز قبول ناھن اھي ڪينال انسانيت جو سماجي معاشي قتل آھي اھو ڪھڙو انصاف آھي جو ھڪ سرسبز شاداب زمين کي بنجر بڻائڻ جي سازش ڪئي پئي وڃي سنڌ سان اھڙو سلوڪ ناقابل برداشت آھي درگاھون پيار محبت امن جو درس ڏين ٿيون ھنن درگاھن تان صوفي ازم ۽ انسانيت جو پيغام ملي ٿو ھن چيو تہ پيارو فقير ھميشھ انسانيت جي ڀلائي سک جون دعائون ڏيندو رھيو ھن جا ڪيترائي معجزا آھن ۽ ھن درگاھ تان ماڻھون فيضياب ٿيا آھن. بعد ۾ ھڪ صوفياڻي راڳ جي محفل منعقد ٿي جنھن کي صوفي فنڪارن شھباز علي زرداري، فقير پير روشن علي، فقير قادر بخش عمراڻي، اختر ڪولاچي، نعيم ابڙو، جڏهن تہ اسٽيج سيڪريٽري جا فرائض ھادي بخش چانڊيو ادا ڪيا ۽ ٻين صوفياڻي ڪلام ڳائي ويٺل تي وجد طاري ڪري ڇڏيو. بعد ۾ لنگر عام تقسيم ڪيو ويو جڏهن ته صوفياڻي راڳ رنگ جي محفل پرھ ڦٽي تائين جاري رهي.