حيدرآباد ۾ لا ڪاليج جي شاگردن ۽ شاگردياڻين پاران تڪراري ڪئنالن خلاف احتجاج

سنڌو درياهه ڪروڙين سنڌين جي جياپي جو واحد ذريعو آهي، ڇهه ڪئنال منصوبو سنڌ دشمن منصوبو آهي: شاگرد

حيدرآباد (بيورو)حيدرآباد ۾ اسٽوڊٽس ايڪشن ڪميٽي لا ڪاليج جي شاگردن پاران تڪراري ڪئنالن خلاف احتجاج ڪيو ويو، سنڌ درياھ مان 6نوان ڪينال ڪڍڻ ۽ ڪارپوريٽ فارمنگ خلاف حيدرآباد پريس ڪلب سامهون آصف ککراڻي،عبدالله قاضي،مڪيش ڪمار ۽ ٻين جي اڳواڻي ۾ احتجاجي مظاهرو ڪري سخت نعري بازي ڪئي اڳواڻن چيو ته سنڌو درياھ جو وڪرو سنڌ جي 6ڪروڙ عوام جي ساھ جو سڳو آھي جيڪڏهن سنڌو درياھ تي 6نوان ڪينال ٺھيا ته سنڌ جون زمينون غيرآباد ۽ عوام اڄ مري ويندي.هنن چيو ته پنجاب پاڪستان ٺھڻ کان وٺي سنڌ جو پاڻي چوري ڪري پنهنجون زمينون آباد ڪري ٿو سنڌ سدائين پاڻي جي کوٽ خلاف احتجاج ڪيو آھي.هن چيو ته ملڪ جا حڪمران سدائين مٿان کان پاڻي جي کوٽ جو چوندا رهيا آھن ته پوء نون 6ڪينالن ۾ پاڻي ڪٿان ايندو. هنن چيو ته ڪارپوريٽ فارمنگ سنڌ جون زمينون کسڻ جو پروگرام آھي ڪڍروويٽ فارمنگ سموري دنيا ۾ ناڪام ٿي چڪو آھي.هنن مطالبو ڪيو ته سنڌو مٿان نوان ڪينال ڪڍڻ ۽ ڪارپوريٽ فارمنگ منصوبو فوري ختم ڪيو وڃي ٻئي صورت ۾ زبردستي جي فيصلن سان وفاق کي خطرو الحق ٿي ويندو جنهن جي ذميواري موجوده حڪمرانن تي هوندي