ٽنڊوآدم جي مدرسه شمس الھدا ۾ 56 کان وڌيڪَ مستحق ماڻھن ۾ راشن ورهايو ويو

264 views | 03rd Mar 2025 • سنڌي خبرون

ٽنڊوآدم جي مدرسه شمس الھدا ۾ 56 کان وڌيڪَ مستحق ماڻھن ۾ راشن ورهايو ويو

ٽنڊو آدم (حسنين عاشق ساند) ٽنڊوآدم جي مدرسه شمس الھدا ۾ 56 کان وڌيڪَ غيرمسلم مستحق ماڻھن ۾ راشن بيگ ورھائڻ جي تقريب منعقد ڪئي وئي. تقريب مفتي آفتاب جوڻيجو جي سرپرستي ھيٺ منعقد ڪئي وئي جتي شھر جي سماجي شخصيت سر اقبال احمد پاران 56 کان وڌيڪ غير مسلم مستحق ماڻھن ۾ راشن ورھايو. ان موقعي تي مدرسه شمس الھدا جي سرپرست اعلي مفتي آفتاب جوڻيجو ۽ سر اقبال ۽ ٻين ميڊيا وارن سان ڳالھائيندي چيو ته اسان نج انسانيت جي خدمت ڪرڻ تي يقين رکون ٿا، مسلمان مستحق خاندانن سان گڏوگڏ ھندو ڀائرن جي ضرورتن جو پڻ خيال رکڻ گھرجي. ھنن چيو تہ رمضان شريف جي مقدس مھيني کان ٻه ڏينھن پھرين بابر ڀائي يو ايس اي پاران 200 مسلمان مستحق ماڻھن ۾ پڻ راشن بيگ ورھايا ويا ھئا. ھنن چيو تہ انسانيت جي خدمت وارو هي سلسلو جاري رھندو.