جيئي سنڌ قومي محاذ جو سکر مان نڪتل قافلو گلشن حديد کان ملير پهچي ويو

اسلم خيرپوري ۽ قافلي ۾ موجود ٻين اڳواڻن جي وک وک تي سياسي سماجي ڌرين ۽ ڳوٺاڻن پاران آجيان

ملير (رپورٽر) جيئي سنڌ قومي محاذ (آريسر) طرفان سنڌو درياهه نوان ڪئنال ڪڍڻ، سنڌ جون زمينون ڪارپوريٽ فارمنگ لاءِ ڏيڻ ۽ سنڌ جي وسلين جي ڦرلٽ خلاف سکر کان ڪراچي پهتل قافلو جسقم چيئرمين اسلم خيرپوري، اشرف بھليم، اسد سنڌ يار، فتح چنا، ڪرن نظاماڻي، ۽ ٻين جي اڳواڻي ۾ گلشن حديد مان ملير پندرهن پهچي ويو، وک وک تي سياسي سماجي ڌرين ئ ڳوٺاڻن طرفان آجيان،اڄ قافلو ڪراچي پريس ڪلب پهچندو، سنڌ جي سڏ تي سکر کان قافلو وٺي ڪراچي پهتا آهيون 23 فيبروري تي ڪراچي پريس ڪلب آڏو آواز بلند ڪنداسين اسلم خيرپوري تفصيل موجب جيئي سنڌ قومي محاذ (آريسر) طرفان سنڌو درياهه نوان ڪئنال ڪڍڻ، سنڌ جون زمينون ڪارپوريٽ فارمنگ لاءِ ڏيڻ ۽ سنڌ جي وسلين جي ڦرلٽ خلاف سکر کان ڪراچي پهتل قافلو جمع ڏينهن جسقم چيئرمين اسلم خيرپوري، اشرف بھليم، اسد سنڌ يار، فتح چنا، ڪرن نظاماڻي، ۽ ٻين جي اڳواڻي ۾ گلشن حديد مان ملير پندرهن پهتو ان کان اڳ قافلو جي اسٽيل مل موڙ، نشتراباد،رزاق آباد ،ڀينس ڪالوني، قائد آباد ۽ ملير ڪورٽ وٽ وک وک تي جيئي سنڌ محاذ، ايس يو پي، جسقم، ملير بارايسو ايسوسي ايشن سميت مختلف سياسي سماجي ڌرين جي اڳواڻن وهاب گبول، سنڌ يونائيٽيڊ پارٽي جي فيض هيسباڻي، بدر باغي، جونيئر روپلو، ڪلثوم، ڪائنات، الهي بخش بڪڪ، اشرف سمون ۽ ٻين آجيان ڪئي آجياڻن کي خطاب ڪندي جسقم جي چيئرمين اسلم خيرپوري چيو ته سنڌ جي سڏ تي سکر کان قافلو وٺي ڪراچي پهتا آهيون 23 فيبروري تي ڪراچي پريس ڪلب آڏو آواز بلند ڪنداسين هن چيو ته سڄي سنڌ جي عوام کي اسان جو سڏ ورنائڻ گھرجي، ڪئنالن وارو منصوبو ڪالا باغ ڊيم کان به وڌيڪ خطرناڪ آهي، اگر ڪئنال ٺھي ويا ته انساني آبادي ته ھڪ طرف پر سموري جيوت، زراعت، درياهه، وڻ ٽڻ، تباھ ٿي ويندا، ھن چيو ته پنجاب هوڏ ڪري سنڌو درياهه جو پاڻي سنڌ ڏانهن اچڻ کان روڪي پنهنجي ڪتب آڻڻ لاءِ ڪئنال ٺاھي رھيو آھي، سنڌو اسان جو جياپو آھي، سمنڊ ۾ پاڻي ڇوڙ نه ٿيڻ سبب کاروڇاڻ ۽ ڀرپاسي جي لکين ايڪڙ زمين اڳيئي ذراعت لائق نه رهي آهي جر کارو ٿي ويو آهي ڪئنال ٺهڻ کان پوءِ رهيل زمين به زمين به تباھ ۽ ڀڙڀانگ ٿي ويندي، ھن چيو ته ڪارپوريٽ فارمنگ سنڌ جون زمينون ڦٻائڻ جو منصوبو آھي اسان سنڌو جا وارث آھيون، پنھنجا وسيلا بچائڻ لاءَ رت جي آخري ڦڙي تائين وڙهنداسين، ھن سنڌي ماڻھن کي سڏ ڏيندي چيو ته پٽڪي کي ور ڏيئي ميدان تي نڪري پئو، اسان کي سنڌين جي مرضي کانسواءِ ڪوبه فيصلو منظور ناھي، ھن ڪراچي ۾ رھندڙ سنڌين کي اپيل ڪئي ته 23 فيبروري تي سنڌو درياهه ۽ سنڌ جا وسيلا بچائڻ لاء ڪراچي پريس ڪلب پھچي اتحاد ۽ ٻڌي جو ثبوت ڏيو پيادل قافلو رات ملير ۾ رھي اڄ صبح جو ڪراچي پريس ڪلب پهچندو جتي عام جلسو ڪيو ويندو