پيپلز پارٽي آزاد صحافت جي حامي رھي آھي: علي ڏنو گاڏهي

پ پ اڳواڻ ڏوڪري پريس ڪلب جي ترقياتي ڪمن لاءِ 50 ھزار روپين جو چيڪ ڏنو

ڏوڪري(اطهر ميمڻ) نوجوان وڪيل، سماجي اڳواڻ ۽ پ پ تعلقي ڏوڪري جي جنرل سردار علي ڏنو گاڏھي چيو آهي ته صحافت رياست جو چوٿون ٿنڀو آھي، ميڊيا جي ڪردار سبب ئي عوام جو آواز اقتدار جي اعلي ايوانن تائين پھچندو آھي، صحافين عوام جي حقن لاءِ پاڻ پتوڙيو آھي. ڏوڪري پريس ڪلب ۾ ميٽ دي پريس کي خطاب ڪندي لاڙڪاڻو ضلعي ڪائونسل ميمبر سردار علي ڏنو گاڏھي چيو ته پاڪستان پيپلز پارٽي آزاد صحافت جي حامي رھي آھي، شھيد ڀٽو کان شھيد بينظير ڀٽو تائين ۽ صدر آصف علي زرداي کان بلاول ڀٽو زرداري تائين پ پ قيادت ھميشه صحافين سان ھر موڙ تي گڏ رھي آھي. ھن چيو ته سنڌي ميڊيا سدائين سنڌ جي اھم اشوز کي ھاءِ لائيٽ ڪيو آھي، جنھن تي کين سلام پيش ڪريان ٿو. پ پ ضلعي ڪائونسل ميمبر سردار علي ڏنو گاڏھي طرفان ڏوڪري پريس ڪلب جي ترقياتي ڪمن لاءِ 50 ھزار روپين جو چيڪ صدر فدا حسين ابڙو، جنرل سيڪريٽري اطھر سنديلو ۽ سرپرست اعلي زبير زرار منگي حوالي ڪيو. ان موقعي تي پ پ ضلعي ڪائونسل ميمبر شمن خان جوڻيجو، پ پ اڳواڻ علي بخش ميتلو، حبيب الله عالماڻي، نثار احمد جتوئي، شھمير ميراڻي، اياز ابڙو، غلام قادر گاڏھي ۽ ٻيا موجود ھئا.