ايم پي اي هير سوهو جي سنڌ حڪومت جي ترجمان مقرر ٿيڻ بعد پهريون ڀيرو سجاول پهچڻ تي آجيان

سنڌ حڪومت جي ترجمان هير سوهو جو قافلو هڪ وڏي ريلي جي صورت ۾ مامون لاڏو چوڪ سجاول پھتو

سجاول (گلشيرميربحر )ايم پي اي هير سوهو جو سنڌ حڪومت جي ترجمان مقرر ٿيڻ بعد پهريون ڀيرو پنهنجي شهر ميرپور بٺورو ڏانھن ويندي سجاول شھر ۾ پ پ اڳواڻن، ورڪرن، علائقي جي معززين ۽ عوام جي وڏي انگ پاران گلن جي ورکا. سنڌ حڪومت جي ترجمان هير سوهو جو قافلو هڪ وڏي ريلي جي صورت ۾ مامون لاڏو چوڪ سجاول پھتو جتي ترجمان سنڌ حڪومت هير سوهو خطاب ڪندي چيو ته صدر پاڪستان آصف زرداري، بلاول ڀٽو زرداري، ادي فريال ٽالپر ۽ وزير اعلي سنڌ سيد مراد علي شاهه جي شڪر گذار آهيان جن عزت ڏني. جيڪا ذميواري پاڪستان پيپلز پارٽي ڏني آهي اها سچائي ايمانداري سان نڀائيندس. هن چيو ته سجاول ضلعو پٺتي پيل ۽ مسئلن ڳڙ بڻيل آهي .هن وڌيڪ چيو ته سموري سنڌ جيان هن ضلعي ۾ پڻ ترقياتي رٿائن جا ڄار وڇائينداسين. پاڪستان پيپلز پارٽي عوامي پارٽي آهي جنهن هميشه عوام جي خدمت ڪئي آهي. ۽ ڪنڌي رهندي هن چيو ته ضياء ۽ مشرف جي آمراڻي مشڪل ترين دور ۾ پ پ جي ورڪرن، علائقي جيالن ۽ عوام جو جيئڻ جنجال هو، انهن جي قبرن تي وڃڻ لاءِ به ڪير تيار ناهي. پر اڄ به شهيد ذوالفقار علي ڀٽو ۽ شهيد راڻي محترمه بينظير ڀٽو جو ڪردار اڄ به امر آهي ۽ سندن مزارن تي هزارين ماڻهو لڙڪ لاڙي دعائون گهرن ٿا. هن چيوته پيپلز پارٽي قربانيون ڏئي عوام جي دلين ۾ جايون ٺاهيون آهن منهجو جيئڻ مرڻ هتان جي عوام سان آهي کين ڪنهن به صورت ۾ اڪيلو نه ڇڏيو ويندو. هن چيو ته ضلعي انتظاميا ۽ عوام سان گڏجي هن شهر سميت ضلعي جي تعمير ۽ ترقي لاءِ ڪوششون جاري آهن ۽ جاري رهنديون. ۽ محمد علي ملڪاڻي، ريحانه لغاري، دانش ملڪاڻي سميت سمورن ورڪرن ۽ جيالن جو ٽيم ورڪ مثالي آهي. هن چيو ته جئي ڀٽو جو نعرو لڳندو رهندو پ پ جو جهنڊو جهولندو رهندو، عوام سان گڏ آهيون گڏ رهنداسين