پريالوءِ ويجهو ناريجا سولنگي خوني تڪرار تان هٿياربندن جي فائرنگ ۾ 2 نوجوان قتل

ڳوٺ کولرا ۾ ناريجا برادري جي هٿياربندن گوليون هڻي محمد يامين سولنگي ۽ ثناءُ الله سولنگي کي قتل ڪري ڇڏيو

پريالوءِ (رپورٽر) پريالوءِ ڳوٺ کولرا ۾ ناريجا برادري جي هٿياربندن پاران وحشياڻو حملو ڪيو ويو، جنهن جي نتيجي ۾ ٻه نوجوان، محمد يامين سولنگي ۽ ثناءُ الله سولنگي، بي درديءَ سان قتل ٿي ويا. هي واقعو هلندڙ تڪرار تان ٿيو آهي . حملو ڪندڙ هٿياربندن ڳوٺ ۾ خوف ۽ دهشت پکيڙي فرار ٿي ويا. واقعي کان پوءِ علائقي ۾ ڪشمڪش واري صورتحال پيدا ٿي وئي آهي. پوليس واقعي واري هنڌ پهچي جاچ شروع ڪري ڇڏي آهي. مقتول نوجوانن جا لاش اسپتال منتقل ڪيا ويا آهن، جتي ضروري ڪارروائي بعد مڙهه وارثن حوالي ڪيا ويندا. مقامي ماڻهن حڪومت کان مطالبو ڪيو آهي ته جوابدارن کي جلد کان جلد گرفتار ڪري سخت سزا ڏني وڃي ۽ علائقي ۾ امن قائم ڪيو وڃي. محمد يامين سولنگي ۽ ثناءُ الله سولنگي جا لاش پير جو ڳوٺ اسپتال مان پوسٽ مارٽم بعد وارثن حوالي ڪيا ويا. مقتولن جي وارثن جو چوڻ هو ته اسان جا نوجوان مال چاري رهيا هئا ته ٽن موٽرسائيڪلن تي سوار ناريجا ڌر جي هٿياربندن مٿن فائرنگ ڪري قتل ڪيو.