عمرڪوٽ ۾ سيد علي مردان شاهه هارڊ بال ڪرڪيٽ ٽورنامينٽ جا مقابلا جاري

عادل حسين رحمداڻي 32 بالن ۾ 60 رنسون ٺاهيندڙ حامد کي مين آف دي ميچ جو ايوارڊ ڏنو

عمرڪوٽ (رپورٽ:ڪانجي مل رکيسر) ماروي اسٽيڊيم عمرڪوٽ ۾ رحمداڻي ڪرڪيٽ اڪيڊمي طرفان الحاج سيد علي مردان شاھ ڊسٽرڪٽ اينڊ آل سنڌ ھارڊ بال ڪرڪيٽ ٽورنامنٽ جي ٻن اھم ميچن ۾ اوڏ ينگ اسٽار ڪرڪيٽ ڪلب عمرڪوٽ ۽ يوڪي ٽائگر ڪنري جي ٻنھي ڪرڪيٽ ٽيمن ڪنري جي آرائين اسپورٽس ڪرڪيٽ ڪلب کي اوڏ ينگ اسٽار ڪرڪيٽ ڪلب شڪست ڏني ٻي ميچ ۾ يوڪي ٽائگر ڪرڪيٽ ڪلب عمرڪوٽ ڪنري ھٽرس ڪرڪيٽ ڪلب کي شڪست ڏني تفصيل موجب پھرين بيٽنگ ڪندي آرائين اسپورٽس ڪرڪيٽ ڪلب ڪنري 20 اوورن ۾ 170 رنسون ٺاھيون جنهن ۾ طلحا ڏوگر 60 عزير ڪي ڪي 50 رنسون ٺاھي نمايان رھيا جواب ۾ اوڏ ينگ اسٽار ڪرڪيٽ ڪلب 171 رنسون ٺاھي چار وڪيٽن تان ميچ کٽي ورتو جنهن ۾ مڪيش ڪمار اوڏ 99 رنسون ٺاھي رحمداڻي ڪرڪيٽ ڪلب جي سينئر ميمبر ڪرشنا ڪمار مالھي کان مين آف دي ميچ جو ايوارڊ حاصل ڪيو اوڏ ينگ اسٽار ڪرڪيٽ ڪلب جي بالر جروار اوڏ تباھ ڪن بالنگ ڪندي چار اوورن ۾ 19 رنسون ڏيئي پنج وڪيٽون حاصل ڪيون ٻئي ميچ ۾ يوڪي ٽائگر ڪرڪيٽ ڪلب عمرڪوٽ 20 اوورن ۾ 183 رنسون ٺاھيون جنهن ۾ حامد 60 شيروز آرائين 50 ۽ علي اڪبر 40 رنسون ٺاھي نمايان رھيا جواب ۾ ڪنري ھٽرس ڪرڪيٽ ڪلب 140 رنسون ٺاھي سگھي جنهن ۾ علي حسن 42 آصف 40 رنسون ٺاھي نمايان رھيا يوڪي ٽائگر 40 رنسن تان ميچ کٽي ورتو يوڪي ٽائگر جي بھترين بالر علي اڪبر 4 اوورن ۾ 22, رنسون ڏئي 3 وڪيٽون ورتيون عادل حسين رحمداڻي مين آف دي ميچ جو ايوارڊ حامد کي ڏنو جنهن 32,بالن ۾ 60 رنسون ٺاھيون