عمرڪوٽ ۾ پھرين سپر گولڊ الحاج سيد علي مردان شاھ ڪرڪيٽ ٽورنامينٽ شروع

افتتاحي ميچ ماروي اسٽيڊيم ۾ ٿي، ڊي او اسپورٽس پرويز مري، غلام محمد ڪنڀر ۽ ٻين افتتاح ڪيو

عمرڪوٽ(ڪانجي مل رکيسر)پھريون سپر گولڊ الحاج سيد علي مردان شاھ ڊسٽرڪٽ اينڊ آل سنڌ ھاڊ بال ڪرڪيٽ ٽورنامنٽ جو افتتاحي مئچ ماروي اسٽيڊيم عمرڪوٽ ۾ ٿيو جنهن جو افتتاح ڊي او اسپورٽس عمرڪوٽ پرويز مري صدر پريس ڪلب عمرڪوٽ غلام محمد ڪنڀر چيف آرگنائزر ٽورنامنٽ ڪميٽي صدر رحمداڻي ڪرڪٽ اڪيڊمي رسول بخش رحمداڻي سينئر صحافي غلام مصطفي مھر اتم سنگراسي اشوڪ ڌرڙا ۽ ٻين ڪيو پاڪستان جو قومي ترانو پيش ڪيو ويو ڊي او اسپورٽس پرويز مري رسول بخش رحمداڻي غلام محمد ڪنڀر ۽ ٻين سلامي ورتي ٽورنامنٽ جو پھريون ڪرڪيٽ مئچ سنسني خيز رھيو عمرڪوٽ جي تاريخ ۾ پھريون دفعو 20 اورز ۾ مري ڪرڪيٽ ڪلب پھرين کيڏيندي 109 رنسون ٺاھي آل آئوٽ ٿي ويئي مري اليون جي طرفان وقار مري 40 رنسون ٺاھي نمايان رھيو جواب ۾ بيٽنگ ڪندي روڪ اسٽار ڪرڪيٽ ڪلب عمرڪوٽ جلدبازي ڪندي 100 رنسن تي آل آئوٽ ٿي ويئي مري ڪرڪيٽ اليون طرفان ظفر علي مري تباھڪن بالنگ ڪندي چار آورز ۾ 7 رنسون ڏيئي چار وڪيٽون ورتيون مين آف دي مئچ جو ايوارڊ حاصل ڪيو افتتاحي مئچ جي امپائرنگ جا فرائض جبو اڌيپوري صدام خاصخيلي آفيشل اسڪورنگ رميش ٿري ڪميٽيٽر اسد علي کوسو ۽ ٻين ڏنا ـ