ملير ۾ شاھ عبداللطيف ڀٽائي جي 344 هين سالگرھ ملهائي وئي

سنڌ ڪلچرل فورم طرفان عوامي پريس ڪلب ملير تي تقريب منعقد، ڪيڪ ڪاٽيو ويو

ملير (رپورٽ: عبدالرشيد مورجھريو) شاھ عبداللطيف ڀٽائي جي 344 هين سالگرھ سنڌ ڪلچرل فورم طرفان عوامي پريس ڪلب ملير ۾ تقريب، ڪيڪ ڪاٽي ڀيٽا پيش،اديبن ،شاعرن، صحافين، سماجي اڳواڻ ۽ علائقي معززن جي وڏي تعداد ۾ شرڪت، شاھ لطيف اسان کي جدوجهد ۽ حق جي ڳولا جو فڪر ڏنو پر بدقسمتي سان اسان جي نئين ٽهيءَ لطيف جو مطالعو نٿي ڪري ۽ جن ڪيو آهي اُهي سمجهڻ کان قاصر آهن جنهن سبب اسان کان وسيلا کسيا پيا وڃن ڀٽائي اسان جي ٻولي جي ضمانت آهي، صادق لاکو، سيد خدا ڏنو شاھ، غفور شاھ تقوي ۽ ٻين جو خطاب تفصيل موجب شاھ عبدالطيف ڀٽائي جي 344 هين سالگرھ تقريب سنڌ ڪلچرل فورم ضلع ملير طرفان عوامي پريس ڪلب ملير ۾ ملهائي وئي جنهن ۾ اديبن ،شاعرن، صحافين، سماجي اڳواڻن سنڌ ڪلچرل فورم جي چيئرمين صادق لاکو، نامياري سماجي اڳواڻ سيد خدا ڏنو شاھ، لطيف جي پارکو سيد غفور شاھ تقوي، سامي ميمڻ، اديب شبير لاکو، زمان جوکيو، عنايت شاھ، شاعر جمشيد زهراڻي ۽ ٻين شرڪت ڪئي ان موقعي تي ڪيڪ کاٽيو ويو تقريب کي اڳواڻن خطاب ڪندي چيو ته سنڌ سميت دنيا جي سمورن مظلوم، محڪوم ڌرتي دوست ماڻھن جي لاء وڏي اھميت ۽ خوشيء جو ڏينھن آھي ڇاڪاڻ ته ڀٽائي جي شاعري ھردور جي حالتن ۽ انساني احساسن ۽ اذيتن جو ترجمان شاعري آھي شاھ لطيف اسان کي جدوجهد ڪرڻ جا نوان گَس ڏسيا آهن ۽ حقيقيت جي ڳولا ڪرڻ جو فڪر ڏنو پر بدقسمتي سان اسان جي نئين ٽهيءَ لطيف جو مطالعي کان قاصر آهي جنهن سبب اثرائتي جدوجهد ايڪي ۽ ساڇاھ جي کوٽ سميت قيادت جي به اڻاٺ آهي اهو ڪارڻ آهي جو پاڻي، ماڳ مڪان ۽ ٻيا وسيلا کسيا پيا وڃن. ان موقعي تي سجاد شاھ، فاروق ڀنگوار ۽ ٻين پڻ خطاب ڪيو