ٺٽي ۾ ملهه پهلوان سيد اياز شاهه بخاري جي گرفتاري خلاف سيد نواز شاهه ڀاڏائي جي اوطاق تي گڏجاڻي

ملھ پھلوان اياز شاھ جي آزادي ۽ ڪوڙي ڪيس جي خاتمي تائين مرحلي وار جدوجھد ڪئي ويندي،: گڏجاڻي ۾ فيصلو

ٺٽو( محمد شفيق ڀٽي)پ پ اڳواڻ ۽ صوبائي وزير ورڪس سروسز ۽ جيل خانہ جات حاجي علي حسن زرداري سامھون اليڪشن وڙھندڙ مشھور ملھ پھلوان سيد اياز شاھ بخاري تي ڦر جو ڪوڙو ڪيس داخل ٿيڻ ۽ سندس گرفتاري خلاف جيئي سنڌ محاذ جي مرڪزي اڳواڻ سيد نواز شاھ ڀاڏائي جي اوطاق تي مختلف سياسي سماجي اڳواڻن،صحافين،ملھ پھلوانن ۽،اياز شاھ جي وارثن ۽ مختلف راڄ برادرين جي چڱن مڙسن جو مشترڪہ اجلاس ٿيو،جنھن ۾ ملھ پھلوان اياز شاھ تي ڪوڙي ڪيس داخل ٿيڻ جي سخت مذمت ڪندي کيس فوري طور آزاد ڪرڻ جو مطالبو ڪيو ويو،ان موقعي تي عوامي رابطہ ڪائونسل سرور پليجو،قومي عوامي تحريڪ جو شبير ڀٽي،ملھ ايسوسيئيشن سنڌ جو جنرل سيڪريٽري غلام نبي شيدي،عوامي پريس ڪلڀ جو صدر بلاول سمون ۽ ٻيا پڻ شريڪ ٿيا،اجلاس کان پو جسم اڳواڻ سيد نواز شاھ ڀاڏائي پريس ڪانفرنس کي خطاب ڪندي چيو تہ ملھ پھلوان سنڌ جي ثقافت جا سفير ۽ امن جا اھڃاڻ آھن،ھن چيو تہ اياز شاھ پھلوان ھڪ شريف، سادو ۽ بھادر ماڻھون آھي، ھن جو ڏوھ اھو آھي تہ ھن علي حسن زرداري سامھون صوبائي اسيمبلي جي سيٽ تي اليڪشن ڪئي ۽ مڙس ٿي ہيٺو رھيو،ھن چيو تہ ٺٽي ضلعي ۾ مني مارشلا لڳائي ويئي آھي،ان موقعي تي ھن اجلاس ۾ ڪيل فيصلن بابت اعلان ڪندي ٻڌايو تہ ملھ پھلوان اياز شاھ جي آزادي ۽ ڪوڙي ڪيس جي خاتمي تائين مرحلي وار جدوجھد ڪئي ويندي، جنھن مطابق 25 ڊسمبر تي غلام اللہ شھر ۾ عام ھڙتال ۽ احتجاجي مظاھرو ڪيو ويندو ۽ 27ڊسمبر تي ڪراچي پريس ڪلب اڳيان احتجاجي مظاھرو ڪيو ويندو، جڏھن تہ اجلاس کان پو۽ شريڪ ماڻھن ھڪ وڏي احتجاجي ريلي ڪڍي نيشنل پريس ڪلب مڪلي،مڪلي پريس ڪلب، عوامي پريس ڪلب ۽ ٺٽو پريس ڪلب آڏو سخت احتجاج ڪيو ۽ ڇتي نعريبازي ڪندي ملھ پھلوان اياز شاھ کي ڪوڙي ڪيس ۾ ڦاسائڻ جو ذميوار ضلعي چيئرمن حميد پنھنور ۽ علي حسن زارداري کي قرار ڏيندي سندن خلاف بن سخت نعريبازي ڪئي ويئي،۽ چيف جسٽس سنڌ، آئي جي سنڌ، عالمي ادارن ۽ انٽر نيشنل ميڊيا کان مدد طلب ڪندي خدشو ڏيکاريو ويو سنڌ پوليس ڪوڙن مقابلن ۾ بي گناھ ماڻھون ماري رھي آھي ان ڪري اياز شاھ کي بہ ڪوڙي پوليس مقابلي ۾ مارڻ جو خدشو آھي ان ڪري سندس زندگي بچائڻ لا ترت نوٽيس ورتو وڃي