سجاول ۾ استاد جي چوري ٿيل موٽر سائيڪل واپس نه ٿيڻ خلاف احتجاج

استادن پاران ٽيچرس ٽريننگ سينٽرسجاول آڏو احتجاجي مظاهرو ڪيو ويو

سجاول (رپورٽر) سجاول ۾ استاد جي چوري ٿيل موٽرسائيڪل واپس نه ٿي،استادن پاران احتجاج ڪيو ويو، ڪجه ڏينهن اڳ گورنمينٽ هاءِ اسڪول سجاول ۾ ٽيچرس ٽريننگ سينٽر ٻاهران استاد مراد ٻجورو جي بيٺل موٽرسائيڪل نامعلوم چور ڪاهي فرار ٿي ويا جيڪا اڃاتائين واپس نه ٿي سگهي استادن پاران ٽيچرس ٽريننگ سينٽرسجاول آڏو احتجاج ڪيو ويو. ان موقعي تي استادن نجيب سرويچ، مراد ٻجورو، خالد سمون ۽ ٻين چيو ته ڪجه ڏينهن اڳ گورنمينٽ هاءِ اسڪول سجاول ۾ استادن جي هلندڙ ٽيچرس ٽريننگ دوران اسان جي پرائمري استاد مراد ٻجورو جي ٽريننگ سينٽر ٻاهران بيٺل موٽرسائيڪل ڪجه نامعلوم چور ڪاهي فرار ٿي ويا جيڪا اڃاتائين واپس نه ٿي سگهي آهي جڏھن ته اهڙي رپورٽ اسان سجاول ٿاڻي جي ايس ايڇ او کي پڻ ڏني آهي پراڃاتائين ان جو ڪوبه کڙ تيل نه نڪتو آهي. هنن ايس ايس پي سجاول ڊاڪٽرعبدالخالق پيرزادو کي مطالبو ڪندي چيو ته استاد جي چوري ٿيل موٽرسائيڪل واپس ڪرائي ڏني وڃي نه ته ٻي صورت ۾ احتجاج جو دائرو وڌائينداسين.