مورو ۾ عام واهپي جي شين جا اگهه آسمان تي پهتل، غريب طبقو پريشان

گوشت، مڇي، پلو، مرغي غريب ماڻهن جي پهچ کان پري آهي، مهانگائي تي ضابطو آندو وڃي: رهواسي

مورو (رپورٽر) مورو ۾ مهانگائي چوٽ چڙهيل اٽي، کنڊ، دالين، دوائن ۽ ڀاڄين سميت عام واهپي جي روز مرھ جي شين جا اگھ آسمان سان ڳالهيون ڪريڻ لڳا وڌندڙ هٿراڌو مهانگائي سبب غريب ماڻهو بکن ۾ پاھ خودڪشيون ڪرڻ تي مجبور، غريب ماڻهن جا ٻچا هڪ ويلي جي ماني کائڻ لاءِ پريشان، وڌندڙ مهانگائي غريب شهرين جون متيون منجهائي ڇڏيون ۽ سندن جيئڻ جنجال بڻجي ويو آهي وڌندڙ مهانگائي جي چڪي ۾ غريب ماڻهو پيسجي رهيا آهن دانهن ڪوڪون ڪرڻ جي باوجود غريب ماڻهن جو ڪو به تدارڪ نه ٿو ڪيو وڃي جنهن ڪري سندن ٻچا ڦاڪاڪشي جي زندگي گذاري رهيا آهن، ايتري قدر جو وفاقي حڪومت پاران بار بار تيل گيس ۽ بجلي ۽ دوائن جا اگھ وڌائڻ کان پوءِ وڏن واپارين ۽ ڪارخاني دارن ملي ڀڳت ڪري روز مرھ جي شين جا اگھ آسمان سان لڳائي ڇڏيا آهن جيڪي غريب ماڻهن جي پهچ کان مٿي آهن ۽ وڌندڙ مهانگائي سبب غريب ماڻهو سخت پريشان آهن سبزي مرغي فروشن پنھنجي من مستي ڪندي بغير لسٽ م سبزي مرغي جو گوست داليون کنڊ ڀتي ۽ ٻيون کاتي پيتي جون شيون من پسند ريٽ تي وڪرو ڪري رھيا آھن انهي سلسلي ۾ غريب شهرين جو چوڻ آهي ته مورو شھر اندر گوشت، مڇي، پلو، مرغي غريب ماڻهن جي کائڻ کان ته وڏو آهي پر غريب ماڻهو پورهيت ۽ مزدور دال چانور کائڻ کان به قاصر آهن ايتري قدر جو وڌندڙ هٿراڌو مهانگائي سبب سندن ٻچا فاڪاڪشي جي زندگي گذارڻ تي مجبور ٿي ويا آهن ۽ سندن جيئڻ جنجال بڻجي ويو آھي غريب ماڻهن دانهون ڪوڪون ڪندي چيو آهي ته ضلعي انتظاميه توڙي مورو انتظاميه سميت مارڪيٽ ڪاميٽي وارا اگه روز چيڪ ڪرڻ گهرجن