عمرڪوٽ: اي ڊي سي ون جاويد احمد ڏاهري جي صدارت هيٺ غذائي کوٽ جي حوالي سان اجلاس

صحت کاتي سميت ٻين ادارن ۽ غير سرڪاري تنظيمن جي وچ ۾ هم آهنگي پيدا ڪرڻ جي ضرورت آھي: جاويد احمد ڏاھري

عمرڪوٽ (رپورٽ:ڪانجي مل رکيسر) ڪوآرڊينيشن ڪميٽي(SSPA) ۽ ڊسٽرڪٽ ڪوآرڊينيشن ڪميٽي فار نيوٽريشن (DCCN) ضلعي سطح تي خوراڪ ۽ غذائيت جي کوٽ کي ختم ڪرڻ لاءِ اهم ڪردار ادا ڪري ٿي. هي ڪميٽي غذائي پروگرام جي عملدرآمد ۽ انهن جي نگراني کي بهتر بڻائڻ سان گڏ ٻارڙن ۾ غذائيت جي بهتري ۾ پڻ مددگار ثابت ٿئي ٿي. اھڙن خيالن جو اظھار ايڊيشنل ڊپٽي ڪمشنر ون جاويد احمد ڏاھري ڪوآرڊينيشن ڪميٽي (SSPA) ۽ ڊسٽرڪٽ ڪوآرڊينيشن ڪميٽي فار نيوٽريشن (DCCN) غذائي کوٽ کي ختم ڪرڻ لاء ڊپٽي ڪمشنر آفيس عمرڪوٽ ۾ مختلف سرڪاري، غير سرڪاري تنظيمن جي نمائندن ۽ اسٽيڪ هولڊرز سان گڏجاڻي جي صدارت ڪندي ڪيو. ان موقعي تي ايڊيشنل ڊپٽي ڪمشنر ون جاويد احمد ڏاھري چيو تہ صحت کاتي سميت ٻين ادارن ۽ غير سرڪاري تنظيمن جي وچ ۾ هم آهنگي پيدا ڪرڻ جي ضرورت آھي غذائي کوٽ کي ختم ڪرڻ لاء منصوبابندي تي عملدرآمد ڪيو وڃي، غير سرڪاري تنظيم جي نمائندن کي ھدايتون ڏيندي چيو تہ ٻارڙن ۾ غذا ۽ صحت جي اهميت بابت شعور اجاگر ڪرڻ لاء سيمينار منعقد ڪيا وڃن، ايڊيشنل ڊپٽي ڪمشنر ون جاويد احمد ڏاھري وڌيڪ چيو تہ ضلعي جي سمورين يونين ڪائونسلن ۾ غذائيت جي کوٽ وارن ٻارڙن جي مڪمل رپورٽ ڏني وڃي، ان موقعي تي لاڳاپيل کاتن جي عملدارن اجلاس کي مڪمل بريفنگ ڏني وئي.ان موقعي تي اجلاس ۾ ايڊيشنل ڊي ايڇ او عمرڪوٽ ڊاڪٽر لڇمڻ داس، نادرا انچارج عمرڪوٽ نور محمد ڀنڀرو، ضلعي انفارميشن آفيسر عمرڪوٽ محمد اسلم ڀٽي، ڊپٽي ڊائريڪٽر لوڪل گورنمينٽ عمرڪوٽ ھريش چندر، ڊسٽرڪٽ مئنيجر پي پي ايڇ آئي عمرڪوٽ شرف الدين ميمڻ، ڊپٽي ڊائريڪٽر ايگريڪلچر اياز ڪاڇيلو، ڊسٽرڪٽ پاپوليشن ويلفيئر آفيسر عمرڪوٽ عبدالحميد ميمڻ، ڊاڪٽر شير مھر، تعليم کاتي عملدارن، سماجي تنظيمن ھينڊز، سرسو سميت ٻين مختلف سماجي تنظيمن جي نمائندن ۽ لاڳاپيل کاتن جي عملدارن پڻ شرڪت ڪئي.