مورو ۾ پاڪستان طبي ڪائونسل، جوائنٽ ايڪشن ڪميٽي ۽ ٻين تنظيمن پاران احتجاج

قومي ڪائونسل طب ۽ نيشنل ڪائونسل فار هوميوپيٿي جي انضمام جي تجويز کي رد ڪريون ٿا: اڳواڻ

مورو (جاني جماڻي) پاڪستان طبي ڪائونسل ۽ جوائنٽ ايڪشن ڪميٽي نيشنل ڪائونسل فار طب، مهراڻ طبي ايسوسي ايشن مورو، ۽ ٻين تنظيمن جي سربراهن حڪيم پروفيسر منصور العزيز، حڪيم مختيار احمد برڪاتي،حڪيم نسيم احمد قاسمي، حڪيم جاويد مصطفيٰ ڪانڌڙو، حڪيم محمد ابراهيم لاکو، حڪيم مصور اقبال آرائين، حڪيم هادي بخش چانڊيو، حڪيم سعدالله لاکو ۽ حڪيم عبدالمجيد مورو ۾ طب ۽ هوميوپيٿي ڪائونسل جي تجويز ڪيل انضمام خلاف احتجاج ڪيو قومي ڪائونسل طب ۽ نيشنل ڪائونسل فار هوميوپيٿي جي انضمام جي تجويز کي رد ڪندي چيو آهي پاڪستان مان يوناني دوائون ۽ هوميوپيٿڪ علاج ختم ڪرڻ جي ناڪام ڪوشش آهي، حڪومتي سهڪار کانسواءِ هلندڙ ٻن ڪائونسلن کي ختم ڪرڻ واري قدم کي قبول نه ڪندا. هن چيو ته انضمام جي تجويز تي سڄي ملڪ ۾ ڊاڪٽرز ۽ هوميو پيٿس ۾ سخت ڪاوڙ آهي، اسان ان غير قانوني قدم جي سخت مخالفت ڪريون ٿا، هن چيو ته ٻه لک کان وڌيڪ حڪيم ۽ هوميو پيٿس رجسٽرڊ ٿيل ٻن ڪائونسلن مان آهن جيڪي چونڊون ذريعي پنهنجا نمائندا چونڊيندا آهن. صحت واري وفاقي وزارت اصل ۾ انهن شعبن کي پنهنجي ڪنٽرول ۾ رکي ٿي ۽ ٻنهي ڪائونسلن جي انضمام لاءِ چونڊ عمل جي ناڪام ڪوشش ڪئي پئي وڃي هنن صدر پاڪستان، وزيراعظم ۽ ٻين اعليٰ اختيارين کان مطالبو ڪيو ته تجويز ڪيل فيصلو واپس ورتو وڃي ۽ حڪيمن مان پيچيني ختم ڪئي وڃي