ملير ويجهو بااثرن جي مبينا حملي ۾ 5 ڄڻا زخمي، متاثرن جو ميمڻ ڳوٺ ٿاڻي آڏو ڌرڻو

تماچي ڪولهي ڳوٺ ۾ نيڪالي ڏنل بابو پٽ ناٿو هٿياربندن سميت حملو ڪري 5 ڄڻن کي زخمي ڪيو: مظاهرين

ملير (رپورٽ: عبدالرشيد مورجھريو) ميمڻ ڳوٺ لڳ تماچي ڪولهي ڳوٺ ۾ ڪولهي برادري جي ٻن ڌرين وچ ۾ جھڙو، لٺين پٿرن ۽ لوهي سيخن جو آزاداڻو استعمال، هڪ ڌر جا 5 ڄڻا زخمي، ميمڻ ڳوٺ ٿاڻي احتجاجي ريلي ۽ ڌرڻو، راڄ نيڪال ڏنل بابو پٽ ناٿو ڳوٺاڻن کي هسائي زوري وڏيرو ٿيڻ چاهي ٿو جيڪو کيس وڏيرو نٿو مڃي انهن تي تشدد ٿو ڪري، اسان تي هٿيار بند اڻي حملو ڪري 5 کان وڌيڪ ماڻهون زخمي ڪيا آهن پوليس ڪيس داخل ڪرڻ بدران رڳو ميڊيڪل ڪرائڻ جو ليٽر ڏنو آهي، مڪيش ۽ جون صحافين سان ڳالهيون، تفصيل موجب ميمڻ ڳوٺ لڳ تماچي ڪولهي ڳوٺ ۾ ڪولهي برادري جي ٻن ڌرين وچ ۾ جھڙو ٿي پيو جنهن دوران لٺين پٿرن ۽ لوهي سيخن جو آزاداڻو استعمال ڪيو ويو جنهن جي نتيجي ۾ هڪ ڌر جا 5 ڄڻا دانش، رميش، گڊو، الهيو ۽ هاشم سخت زخمي ٿي پيا جن کي فوري طور مقامي اسپتال منتقل ڪيو ويو، حملي خلاف ڳوٺاڻن جي وڏي تعداد جن ۾ عورتون پڻ شامل هيون احتجاجي ريلي ڪڍي ميمڻ ڳوٺ ٿاڻي پهتا جتي ڌرڻو هڻي وهي رهيا سندن مطالبو هو ته حملو ڪندڙن خلاف ڪيس داخل ڪري گرفتار ڪيو وڃي، ان موقعي تي ميمڻ ڳوٺ پوليس ڪيس داخل ڪرڻ بدران ميڊيڪل ڪرائن جو ليٽر جاري ڪيو احتجاج ڪندڙن ۾ شامل مڪيش ۽ ٻين ٻڌايو ته راڄ نيڪال ڏنل بابو پٽ ناٿو ڳوٺاڻن کي هسائي زوري وڏيرو ٿيڻ چاهي ٿو جيڪو کيس وڏيرو نٿو مڃي انهن تي تشدد ٿو ڪري، اسان تي هٿيار بند حملو ڪري ٿو گذريل ڏينهن صبح جو سوير بابو، هيرو، سنتوش سان گڏجي مزوري لاءِ ويندڙ ڳوٺاڻن تي اوچتو حملو ڪري ڏنو جي نتيجي ۾ اسان جا 5 ماڻهون سخت زخمي ٿي پيا هڻن چيو ته بابو پٽ ناٿو ڳوٺ تي قبضي ڪرڻ لاءِ گذريل ڪيترن ئي وقت کان ڳوٺاڻن تي حملا ڪرائي ۽ ڪيس داخل ڪرائيندو رهيو آهي جنهن خلاف قانوني ڪارروائي ڪري امن امان قائم ڪيو وڃي ٻي طرف ملير هيومين رائيٽس تحريڪ جي اڳوڻ سنتوش ڪمار ڀيل، سندر ڪمار ۽ رميش ڪمار واقعي تي افسوس جو اظهار ڪندي انتظاميا تي زور ڀريو ته ملوث جوابدارن خلاف ڪيس داخل ڪري امن قائم ڪيو وڃي