ملير ۾ پوليس جون ڏوهارين ۽ منشيات فروشن خلاف ڪارروائيون، 2عورتن سميت 6 ڄڻا گرفتار

نصير، جاويد، بلقيس ۽ خالده وٽان 10 ڪلو آئيس ۽ 15 ڪلو چرس هٿ

ملير (درياخان شر) ملير شاهه لطيف پوليس منشيات جي فراهمي ۽ وڪري جي ٻين الصوبائي نيٽ ورڪ کي بي نقاب ڪرڻ سميت ملوث جوابدارن کي گرفتار ڪرڻ جي دعوي ڪئي، پوليس منشيات جي فراهمي ۽ وڪرو جي الزام هيٺ انتهائي گهربل جوابدار سميت 2 عورتن کي گرفتار ڪري ورتو آهي، ايس ايس پي ملير ڪاشف آفتاب جو چوڻ آهي ته شاهه لطيف ٽائون مين نيشنل هاءِ وي وٽان 4 جوابدارن جن ۾ 2 جوابدار عورتون پڻ شامل آهن کين گرفتار ڪري ورتو آهي، جوابدارن جي قبضي مان 10 ڪلو کان وڌيڪ برف، 15 ڪلو چرس، 2 جوابدارن نصير، جاويد،/ بلقيس ۽ خالده کي حراست ۾ ورتو ويو آهي. . گرفتار جوابدارن خلاف ڪراچي جي مختلف علائقن ۾ منشيات جي فراهمي ۽ وڪرو ڪرڻ لاءِ استعمال ٿيندڙ سفيد ڪرولا گاڏي پڻ هٿ ڪئي وئي آهي، جن خلاف ڪيس داخل ڪيو ويو آهي جوابدار کي گرفتار ڪري وڌيڪ جاچ شروع ڪئي وئي آهي. ٻي طرف ملير شرافي ڳوٺ پوليس وڏي مقدار ۾ سپاري ۽ گٽڪي جي مٽريل خريداري ۾ ملوث جوابدار کي گاڏي سميت گرفتار ڪري ورتو، سندس قبضي مان 8 ڪلو تيار ٿيل گٽڪو پڻ هٿ ڪرڻ جي دعوي ڪئي وئي گرفتار جوابدار جي سڃاڻپ محمد وقار ولد اڪرم طور ٿي آهي. ايس ايس پي ملير ڪاشف آفتاب ٻڌايو ته گرفتار جوابدار گٽڪو ماوا چاليا ملير سميت شهر جي مختلف علائقن ۾ وڪرو ڪندو هو، گرفتار جوابدارن جو وڌيڪ ڪرمنل رڪارڊ چيڪ ڪيو پيو وڃي گرفتار جوابدار خلاف ڪيس داخل ڪري وڌيڪ جاچ ڪئي پئي وڃي. هوڏانهن ضلعي ملير پوليس جي قائد آباد سميت ڪراچي شهر جي مختلف علائقن ۾ ٿيندڙ اسٽريٽ ڪرائيم جي وارداتن ۾ ملوث انتهائي گهربل جوابدار کي گرفتار ڪرڻ جي دعوي ڪئي آهي پوليس چورنگي اسپتال ويجهو ٽيڪنيڪل اطلاع تي ڪارروائي ڪندي جوابدار کي گرفتار ڪري ورتو. گرفتار جوابدار گذريل ڏينهن قائد آباد ٿاڻي جي حد مان شهري کان موٽرسائيڪل، موبائل فون ۽ ڪجهه رقم ڦر ڪري پنهنجي ساٿين سميت فرار ٿي ويو هو. گرفتار جوابدار وجاهت جي سڃاڻپ شهري عامر به ڪئي. گرفتار جوابدار پنهنجي ساٿين سان گڏجي علائقي ۾ هٿيار زور تي شهرين کان ڦر جون وارداتون ڪندو هو. پوليس دعوي ڪئي آهي ته گرفتار جوابدار قائد آباد ٿاڻي سميت ڪراچي جي مختلف ٿاڻن جي حدن ۾ اسٽريٽ ڪرائم جي ڪيترن ئي وارداتن ۾ ملوث هجڻ جو به اعتراف ڪيو آهي. گرفتار جوابدار جي قبضي مان هڪ 30 بور جو پستول ۽ هڪ موٽر سائيڪل هٿ ڪئي وئي آهي . ايس ايس پي ملير جو چوڻ آهي ته. پوليس پاران گرفتار جوابدار جو وڌيڪ ڪرمنل رڪارڊ چيڪ ڪيو پيو وڃي. گرفتار جوابدار خلاف ڪيس داخل ڪري وڌيڪ جاچ شروع ڪئي وئي آهي