18اکتوبر 2007 کا واقعہ ملکی تاریخ کا سب سے بڑا دہشت گردی کا واقعہ ہے، شہداء کو نہیں بھولیں گے۔
حیدر آباد (بيورو) پیپلز پارٹی کے چیئرمین بلاول بھٹو زرداری نے کہا ہے کہ شہید محترمہ بے نظیر بھٹو ایک نظریہ اور منشور لے کر وطن واپس آئیں۔
بلاول بھٹو زرداری نے حیدرآباد میں جلسے سے خطاب کرتے ہوئے کہا کہ 18 اکتوبر 2007 کا واقعہ ملکی تاریخ کا سب سے بڑا دہشت گردی کا واقعہ ہے، شہداء کو نہیں بھولیں گے۔
انہوں نے کہا کہ چارٹرڈ ریپبلک میں آئینی عدالت بنانا شہید بے نظیر بھٹو کا خواب تھا، اس عدالت کا مقصد پاکستان کے آئین کا تحفظ تھا اور میں پاکستان کے عوام اور پیپلز پارٹی کے کارکنوں کو خوشخبری سنانا چاہتا ہوں۔ آئینی عدالت بنا رہے ہیں۔
انہوں نے کہا کہ پاکستانی عوام کا مطالبہ ہے کہ مساوی نمائندگی پر مبنی آئینی عدالت بنائی جائے تاکہ جلد انصاف ہو سکے ہم تمام جماعتوں کو ساتھ ملا کر آئین بنانا چاہتے ہیں۔
بلاول بھٹو زرداری نے کہا کہ آئینی عدالت بنانا قائداعظم محمد علی جناح کا مطالبہ تھا، اس کے بعد شہید بے نظیر بھٹو اور آج میں اور عوام اس کا مطالبہ کر رہے ہیں۔
0 تبصرے