مورو ۾ ٽرانسپورٽرن ۽ مسافر گاڏين جي مالڪن پاران احتجاجي مظاھرو

مورو ۾ ٽرانسپورٽرن ۽ مسافر گاڏين جي مالڪن پاران احتجاجي مظاھرو

مورو(جاني جماڻي) مورو جي ٽرانسپورٽرن ۽ مسافر گاڏين جي مالڪن جو بنا روٽ پرمنٽ گاڏيون ھلائڻ ۽ بااثر ٽرانسپورٽرن پاران ڌمڪيون ڏيڻ واري عمل خلاف احتجاجي مظاهرو ڪيو ويو جنھن جي اڳواڻي اعجاز ڪورائي، فقير غلام سرور سولنگي، ديدار ڀٽي، فھيم ڏاھري، ظھور احمد سيال، اعجاز زرداريءَ، محمد بخش عالماڻي ۽ ٻيا ڪري رھيا ھئا جتي ھنن چيو تہ اسان پنجاھ سال کان پراڻا ٽرانسپورٽر آھيون ۽ اسان کي پنھنجيون گاڏيون آھن ۽ ھر پاسي جي روٽ پرمنٽ موجود آھي ۽ ھر کاتي کان اجازت ورتل آھي، ھنن چيو تہ نوشھروفيروز، ڪنڊيارو، ھالاڻي جي ڪجھ بااثر ٽرانسپورٽر جن کي نہ ڪا روٽ پرمنٽ مليل آھي نہ ئي ڪو سرڪاري طور تي گاڏين جو اڏو مليل آھي انھن مختلف شھرن ۾ زبردستي قبضو ڪرڻ چاھين پيا ۽ ھر روز اسان کي گاڏين کي روڪي ڊرائيورن ڪلينڊرن کي تشدد جو نشانو بڻائي ڌمڪائيندا رھن ٿا جنھن جي ڪري ڪو وڏو نقصان ٿي سگھي ٿو، ھنن چيو تہ ھو بااثر ٽرانسپورٽر آھن جيڪي ڏاڍ ڪري رھيا آھن ۽ گذريل ڏينھن ڪوڙا بيان ڏئي الزام ھنيا آھن ھنن الزام ھڻندي چيو تہ اسان جي پرمنٽ ورتل ۽ اجازت مليل مسافر گاڏين جي اڏن تي مظھر ڪلھوڙو، لعل بخش رند، ڀورل رند، طالب حسين، ڌڻي بخش، زاھد ۽ ٻيا ڏاڍ ڪري رھيا آھن ۽ اھي اسان جي سالن کان قائم گاڏين جي اڏن تي قبضو ڪرڻ چاھين ٿا احتجاج ڪندڙ مظاھرين سنڌ جي گھرو وزير، آء جي سنڌ، ڊي آء جي شھيد بينظير آباد، ايس ايس پي نوشھروفيروز، ڊي ايس پي مورو سميت وس وارن کي اپيل ڪئي تہ نوشھروفيروز جي بااثر ٽرانسپورٽرن خلاف قانوني ڪارروائي ڪندي اڻ ڌري جاچ ڪري انصاف ڪيو وڃي ٻي صورت سخت احتجاج ڪيو ويندو.