ڪورنگي ۾ بينظير انڪم سپورٽ پروگرام لاءِ رجسٽريشن ڪيمپ

ڪورنگي ۾ بينظير انڪم سپورٽ پروگرام لاءِ رجسٽريشن ڪيمپ

ملير (رپورٽ: عبدالرشيدمورجھریو) ڪورنگي جي يوسي 11 جي وارڊ 3 ۾ بينظير انڪم سپورٽ پروگرام لاء رجسٽريشن ڪيمپ قائم ڪئي وئي آهي، جنهن جو مقصد اهڙين مستحق عورتن جي رجسٽريشن ڪرائڻ آهي، جيڪي وظيفي جون مستحق آهن. پاڪستان پيپلز پارٽي جي چيئرمين بلاول ڀٽو زرداري جي هدايتن تي پ پ اڳواڻ قيصر فقير بلوچ، غلام رسول شيخ، ڪائونسلر سخي داد بلوچ ۽ ٻين جي انتظام ھيٺ لڳايل ڪيمپ 4 ڏينھن جاري رھندي. ڪيمپ جي پهرين ڏينهن تي نه ڄاڻايل وارڊ پر سڄي ضلعي مان مستحق عورتن جو وڏو انگ پهتو، انڪم سپورٽ پروگرام جي ٽيم مستحق عورتن جي رجسٽريشن ڪئي. ان موقعي تي اڳواڻن چيو ته ڪيمپ لڳائڻ جو هڪ ئي مقصد آهي ته مستحق عورتن جي مدد ڪرڻ، اِهو سڀ ڪجهه بلاول ڀٽو زرداري،جان عالم ڄاموٽ ۽ ٻين جي هدايتن تي ٿي رهيو آهي.