خيرپور: گذريل رات هاف فراءِ ٿيل نوجوان ۽ سندس وارثن پوليس مقابلي کي جڙتو قرار ڏئي ڇڏيو

خيرپور: گذريل رات هاف فراءِ ٿيل نوجوان ۽ سندس وارثن پوليس مقابلي کي جڙتو قرار ڏئي ڇڏيو

خيرپور (ڊ ر) خيرپور ۾ گذريل رات دير سان پوليس طرفان پوليس مقابلو ڄاڻائي نوجوان کي ھاف فراءِ ڪرڻ واري دعوي کي نوجوان جي وارثن رد ڪندي مقابلو جعلي قرار ڏئي ڇڏيو ان ڏس ۾ ھاف فراءِ ڪيل شهزور پٽ ربنواز چانڊيو جي وارثن مسمات فهميده، افضل، آصف، عمير ۽ ٻين سول اسپتال خيرپور اڳيان احتجاج ڪندي صحافين کي ٻڌايو ته ڪالهه رستي ويندي شاهه لطيف ٿاڻي جي ايس ايڇ او سڪندر پنهور ۽ اي ايس آءِ اسلم گوپانگ طرفان اسان جي نوجوان کي روڪيو ويو ۽ کيس حراست ۾ وٺڻ کانپوءِ کانئس ٻه لک رپيا رشوت جي گهر ڪئي ھنن ٻڌايو ته پئسا نه ڏيڻ تي پوليس رات دير سان نوجوان کي ڀرڳڙي پل وٽ وٺي آئي ۽ کيس ڄنگهه ۾ گولي هڻي معذور ڪري ڇڏيو ھنن آءِ جي سنڌ سميت ٻين قانون لاڳو ڪندڙ ادارن کي اپيل ڪئي ته نوٽيس وٺي جعلي مقابلي ۾ ملوث ايس ايڇ او ۽ ٻين اهلڪارن خلاف ڪارروائي ڪئي وڃي ۽ اسان سان انصاف ڪيو وڃي