اڳڙا: جادو واهڻ لنڪ روڊ تي مزدا جو موٽرسائيڪل کي ٽڪر، گمس ملازم فوت

44 views | 22nd Jan 2024 • سنڌي خبرون

اڳڙا: جادو واهڻ لنڪ روڊ تي مزدا جو موٽرسائيڪل کي ٽڪر، گمس ملازم فوت

اڳڙا (رپورٽر) اڳڙا ويجهو مزدا جو موٽرسائيڪل کي ٽڪر، موٽرسائيڪل سوار نوجوان فوت ٿي ويو، پوليس مزدا ڊرائيور کي گرفتار ڪري ورتو، اڳڙا ويجهو راضيديرو-جادو واهڻ لنڪ روڊ تي مزدا موٽرسائيڪل کي ٽڪر هنيو، جنهن جي نتيجي ۾ ڳوٺ مرتضيٰ آرائين جو رھواسي 22 ورهين جو نوجوان ڪاشف پٽ خالد محمود آرائين ٿڏي تي فوت ٿي ويو، نوجوان جو لاش اڳڙا پوليس اسپتال کڻائي آئي، جتان ضروري ڪارروائي بعد وارثن حوالي ڪيو ويو، هوڏانھن مزدا ڊرائيور ٽڪر ھڻڻ بعد فرار ٿيڻ جي ڪوشش ڪئي پر پوليس بروقت ڪارروائي ڪري مزدا جو پيڇو ڪري خيرپور-لاڙڪاڻو روڊ وٽان مزدا ڊرائيور کي گرفتار ڪري مزدا پنهنجي تحويل ۾ وٺي ڇڏي آھي، فوتي نوجوان جي وارثن ٻڌايو تہ ڪاشف گمس اسپتال ۾ ملازم هيو جيڪو ڳوٺ کان گمبٽ وڃي رهيو ھيو تہ حادثي جو شڪار ٿي ويو آھي، جڏھن تہ نوجوان جو لاش ڳوٺ پهچڻ تي گهر ۾ گهرام مچي ويو آھي.