پ پ بلدياتي ادارن جو پئسو اليڪشن مھم تي خرچ پئي ڪري: اياز لطيف پليجو
پ پ بلدياتي ادارن جو پئسو اليڪشن مھم تي خرچ پئي ڪري: اياز لطيف پليجو
حيدرآباد(بيورو) قومي عوامي تحريڪ جي سربراھ اياز لطيف پليجي چيو آهي تہ پيپلز پارٽي بلدياتي ادارن جو پئسو اليڪشن مھم تي خرچ ڪري رھي آھي. ميئر ۽ چيئرمينن کي معطل ڪري بلدياتي ادارن جا اڪائونٽ فريز ڪيا وڃن. لوڪل گورنمينٽ جي ملازمن کي پگھار کان سواء باقي بجيٽ بند ڪئي وڃي. قاسم آباد سميت سڄي سنڌ ۾ ميئر ۽ يوسي چيئرمين بجيٽ کي اليڪشن لاءِ استعمال ڪري رھيا آھن. اياز لطيف پليجي چيو تہ سڀ کان وڌيڪ ڪرپشن لوڪل گورنمينٽ ۾ آھي. ڪرپٽ يوسي سيڪريٽري، ٽائون ۽ ميونسپل آفيسر پ پ نمائندن جي بنگلن تي ويھي سرڪاري پئسا انھن جي اشارن تي خرچ ڪري رھيا آھن. اياز لطيف پليجي چيو تہ سنڌ کي ڪرپشن جي ڪالوني بنجڻ نه ڏنو ويندو. ايندڙ اليڪشن ۾ ڪرپٽ ماڻھن جو صفايو ٿي ويندو. ھوڏانھن سماج سڌارڪ، استاد پروفيسر لياقت ميراڻي قاسم آباد پھچي نسيم ننگر چوڪ، علي پيلس، پڪوڙا چوڪ، وحدت ڪالوني، ڀٽائہ ٽائون ۽ ٻين علائقن ۾ بازارن ۾ عوام کي اياز لطيف پليجو کي ووٽ ڏيڻ جي اپيل ڪئي. لياقت ميراڻي چيو تہ زرداري ٽولي سنڌ جا وسيلا وڪڻي ڇڏيا. افغاني ۽ ٻين غير قانوني پرڏيھين کي مضبوط ڪيو. سنڌ جي زراعت کي تباھ ڪيو. ھن قاسم آباد جي عوام کي اپيل ڪئي اياز لطيف پليجو کي ووٽ ڏئي حق سچ جي آواز کي اسيمبلي جي ايوانن ۾ پھچايو.
0 تبصرے