میری ٹک ٹاک ویڈیو درست کیوں نہیں بنائیں؟ چھوٹی بہن کو بڑی بہن نے گولی مار کر قتل کر دیا

میری ٹک ٹاک ویڈیو درست کیوں نہیں بنائیں؟ چھوٹی بہن کو بڑی بہن نے گولی مار کر قتل کر دیا

پاکستان کے صوبہ پنجاب کے شہر گجرات میں ٹک ٹاک ویڈیوز بناتے ہوئے معمولی بات پر بہنوں کے درمیان لڑائی ہو گئی جس کے دوران چھوٹی بہن کو بڑی بہن نے قتل کر دیا۔

29 دسمبر کو نبیل افضل اپنی والدہ اور دو بہنوں ماریہ افضل اور صبا افضل کے ساتھ سرائے عالمگیر، گجرات میں اپنے دادا سے ملنے گئے۔

گھر کے تمام لوگ گفتگو میں مصروف تھے کہ 19 سالہ ماریہ اور 14 سالہ صبا دوسرے کمرے میں ٹک ٹاک ویڈیوز بنا رہے تھے۔

اس دوران ایک ہنگامہ ہوا، جسے اہل خانہ نے معمول کے مطابق نظرانداز کردیا۔

اچانک پستول کی گولی چلنے کی آواز آئی جس پر نبیل افضل اور گھر کے دیگر افراد کمرے میں گئے جہاں 14 سالہ صبا خون میں لت پت پڑی تھی۔

صبا کو گردن کے نیچے گولی لگی اور وہ ہسپتال لے جاتے ہوئے دم توڑ گئی۔

نبیل افضل نے تھانے میں مقدمہ درج کراتے ہوئے پولیس کو بتایا کہ اس کی چھوٹی بہن صبا کو اس کی بڑی بہن ماریہ ٹک ٹاک نے گولی ماری۔

مقدمے کے متن کے مطابق ٹک ٹاک بنانے پر دونوں بہنوں میں جھگڑا ہوا اور ماریہ نے غصے میں آکر صبا کو گولی مار دی۔

کیس کے تفتیشی افسر نصیر احمد کے مطابق پولیس کی جانب سے تفتیش جاری ہے تاہم ملزمہ خاتون کو تاحال گرفتار نہیں کیا جاسکا ہے۔

بہنوں کے بھائی نبیل نے کہا کہ وہ سب تکلیف میں ہیں اور معاملے کو طول نہیں دینا چاہتے، بہن کے مقدر میں موت لکھی ہوئی تھی۔

پولیس کے مطابق انہیں شبہ ہے کہ بڑی بہن نے چھوٹی بہن کو اس لیے گولی مار دی ہے کیونکہ وہ ٹک ٹاک ویڈیوز ٹھیک سے نہیں بنا رہی تھی۔