اليڪشن ۾ سنڌ جو عوام ڪرپٽ مافيا زرداري ليگ کي رد ڪري ڇڏيندو: اياز لطيف پليجو

اليڪشن ۾ سنڌ جو عوام ڪرپٽ مافيا زرداري ليگ کي رد ڪري ڇڏيندو: اياز لطيف پليجو

حيدرآباد(بيورو)قومي عوامي تحريڪ جي سربراھ اياز لطيف پليجي چيو آهي تہ اليڪشن ۾ سنڌ جو عوام ڪرپٽ مافيا زرداري ليگ کي رد ڪري ڇڏيندو. سنڌ جي ماڻھن کي ڪرپشن، ٻوڏ جي تباهين, وسيلن جي نيلامي، ڌاڙيل راڄ، تعليم، صحت ۽ زراعت جي تباھين جي حساب وٺن جو تاريخ موقعو ڏنو آھي. پيپلز پارٽي امير سنڌ کي بک، بدحالي ۽ بيروزگاري کانسواءِ ڪجھ ناھي ڏنو. اياز لطيف پليجي چيو تہ ڪوھستان ۽ ساحلي پٽي ۾ پکين جو شڪار بند ڪيو وڃي. سنڌ جي معصوم پکين جي مقتل گاھ نہ بنايو وڃي. سائبيريا ۽ ٻين ٿڌ. علائقن مان ھر سال پرديسي پکي پناھ لاءِ اچن ٿا، انھن جي تحفظ بدران شڪار ڪرڻ نيچر سان دشمني آھي. اياز لطيف پليجي چيو تہ شفاف چونڊون ملڪ جي بحران مان ڪڍي سگھن ٿيون. پيپلز پارٽي پئسي جي طاقت تي اليڪشن خريد ڪندي آھي ۽ حقيقي عوامي نمائندن کي جعلسازي سان ٻاھر ڪيو وڃي ٿو. ھينئر عوامي طاقت سان اليڪشن چوري ٿيڻ نہ ڏينداسين.