ڪراچي: سنڌ جرنلسٽ ويلفيئر پاران پهريون اجلاس، صحافين جي شرڪت

ڪراچي: سنڌ جرنلسٽ ويلفيئر پاران پهريون اجلاس، صحافين جي شرڪت

ڪورنگي(رپورٽر)سنڌ جرنلسٽ ويلفيئر ايسوسي ايشن پاران پهريون اجلاس ڪوٺايو ويو، اجلاس ۾ صحافي ڀائرن ڀرپور شرڪت ڪئي، ان موقعي تي اجلاس کي خطاب ڪندي مرڪزي صدر نور دين سولنگي چيو ته سنڌ ۾ صحافين سان ٿيندڙ ظلم برداشت نه ڪيو ويندو، صحافين کي نشانو بڻايو پيو وڃي ۽ سچ لکڻ تي قتل ڪيو ويو، هاڻي سنڌ ويلفيئر ايسوسيئيشن جي پليٽ فارم تان انهن مافيائن کي بي نقاب ڪيو ويندو. تفصيل موجب سنڌ جرنلسٽ ويلفيئر ايسوسي ايشن پاران ڪورنگي مهراڻ ٽائون ۾ مهراڻ ميڊيا سينٽر جي آفيس ۾ هڪ پروگرام منعقد ڪيو ويو، جنهن ۾ صحافي محمد جاويد قادري، صحافي عرفان علي، صحافي علي مري، صحافي آصف ڪوهستاني، صحافي ساگر حسين بليدي، صحافي رميز آگرا، صحافي عبدالهادي. سومرو، صحافي علي سومرو. صحافي عبدالجبار، صحافي جمشيد ڀٽو، صحافي اعجاز ملڪ، صحافي طارق جان ميراڻي، صحافي وقار علي مورو، ايس ٽي پي اڳواڻ راجا حفيظ ۽ ٻين صحافين شرڪت ڪئي. آخر ۾ مرڪزي صدر نور دين پنهنجي جاري ڪيل بيان ۾ چيو ته صحافي هاڻي لاوارث نه آهن، اسان هر صحافي سان گڏ بيٺل آهيون ۽ تمام جلد وڏو پروگرام ڪنداسين.