نوشھروفيروز ۾ ڳوٺ ڀرنڊ واسين جو ٻن نوجوانن کي فل فراءِ ڪرڻ خلاف احتجاج

91 views | 08th Dec 2023 • سنڌي خبرون

نوشھروفيروز ۾ ڳوٺ ڀرنڊ واسين جو ٻن نوجوانن کي فل فراءِ ڪرڻ خلاف احتجاج

نوشهروفيروز(ڊ ر) نوشھروفيروز ڳوٺ ڀرنڊ جي رھواسين پاران 25 مھينا اڳ ٻن نوجوانن جي قتل ۾ ملوث پوليس اهلڪارن کي گرفتار نه ڪرڻ خلاف پريس ڪلب نوشهروفيروز آڏو احتجاجي مظاھرو ڪيو ويو. ان موقعي تي ڳوٺاڻن حاڪم علي، محرم علي، امجد علي سولنگي ٻڌايو ته 25 مھينا اڳ ڊي ايس پي حميد پنھور ۽ ٻين اھلڪارن اسان جي ٻن نوجوانن محب علي ۽ اطھر علي کو گوليون ھڻي بيگناھ قتل ڪيو جنھن جو ڪيس عدالت ۾ ھلندڙ آھي ۽ ٻہ ڏينھن اڳ سنڌ ھاءِ ڪورٽ ڊي ايس پي ۽ ٻين اھلڪارن جي ضمانت رد ڪري ڇڏي آھي پر ان باوجود به ڊي ايس پي ۽ ٻين اھلڪارن کي پوليس گرفتار ڪرڻ لاءِ تيار ناھي جنھنڪري آھي آزاد گھمي رھيا آھن ۽ اسان کي موتمار ڌمڪيون ڏئي رھيا آھن. جنھن مطالبو ڪيو ته نوجوانن جي قتل ۾ ملوث پوليس اهلڪارن کي گرفتار ڪري قانون جي ڪٽهڙي ۾ آندو وڃي.