موھن جو دڙِو ۾ ڏوڪري جي ٻگھيا برادري جو بااثرن ۽ پوليس خلاف احتجاج

views | 05th Dec 2023 • سنڌي خبرون

موھن جو دڙِو ۾ ڏوڪري جي ٻگھيا برادري جو بااثرن ۽ پوليس خلاف احتجاج

موھن جو دڙو (رپورٽر) ڏوڪري جي ٻگهيا برادري جي ماڻهن گذريل ڏينهن موهن جو دڙو پريس ڪلب اڳيان فتح پور پوليس خلاف احتجاجي مظاهرو ڪيو. متاثر ماڻهن نور محمد، چنيسر، ثناءُالله ڪامران ٻگهيو، بشيران خاتون ۽ گُلان ٻگهيو جي اڳواڻي ۾ پوليس خلاف احتجاج ڪيو. ان موقعي تي ميڊيا سان ڳالهائيندي چيو تہ جوابدارن امام بخش، سرفراز. توفيق، طفيل، رفيق ٻگهيو، نصير ٻگهيو ۽ ٻين ديهہ آريجا ۾ سندن 20 ايڪڙ ڪچي جي زمين تي قبضو ڪيو آهي. زمين تي وياسين تہ جوابدارن ڏنڊن سان حملو ڪري ڏنو. جنهن ۾ سندن ڌر جا 3 ڄڻا زخمي ٿي پيا. هنن چيو تہ فتح پور ٿاڻي تي اين سي درج ڪرائي پر پوليس جوابدارن جي ڌر ٿي کين گرفتار نہ ٿي ڪري. هن چيو تہ جوابدار موروثي زمين تي اچڻ تان موتمار ڌمڪيون ڏين ٿا. هنن چيو تہ زمين تي قبضو ڪندڙن کان کين سخت خطرو آهي. احتجاج ڪندڙن ايس ايس پي ۽ ڊي آء جي لاڙڪاڻو کان گهر ڪئي آهي تہ معاملي جو نوٽيس وٺي ساڻن انصاف ڪيو وڃي.