سولڊرٽي انٽرنيشنل ۽ سچل ويلفيئر آرگنائيزيشن پاران جيڪب آباد ضلعي جي 200برسات متاثرخاندانن ۾ راشن ۽ هائيجن ڪٽ تقسيم

62 views | 24th Nov 2023 • سنڌي خبرون

سولڊرٽي انٽرنيشنل ۽ سچل ويلفيئر آرگنائيزيشن پاران جيڪب آباد ضلعي جي 200برسات متاثرخاندانن ۾ راشن ۽ هائيجن ڪٽ تقسيم

جيڪب آباد:عالمي سماجي تنظيم سولڊرٽي انٽرنيشنل Solidarity International ۽ سچل ويلفيئر آرگنائىزيشن پاران جيڪب آباد ضلعي جي برسات متاثر 200 مستحق خاندانن ۾ راشن ۽ هائيجن ڪٽ ورهايا ويا۔ عالمي سماجي اداري پاران هر مستحق خاندان کي 2 مڻ اٽو,10 ڪلو داليون,5 ليٽر ڪوڪنگ آئل سميت ٻيو کاڌي پيتي جو سامان فراهم ڪيو ويو.متاثر خاندانن کي صفائي سٿرائي لاء هائيجن ڪٽ پاڻي کي پيئڻ لائق بنائڻ لاء ايڪوا ٽيپ جون گوريون ۽ مڇرن کان بچاء جي لاء مڇر دانيون پڻ فراهم ڪيون ويون.ان موقعي تي عالمي سماجي تنظيم سولڊرٽي انٽرنيشنل ۽ سچل ويلفيئر آرگنائيزيشن جا اڳواڻ پڻ موجود هئا.ان موقعي تي سچل ويلفيئر آگنائىزيشن جي سي اي او خادم حسين چيو ته عالمي سماجي اداري سولڊرٽي انٽر نيشنل جي تعاون سان 500 متاثر مستحق خاندانن ۾ هي پيڪيج ورهايو ويندو جنهن ۾ هن وقت تائين 200 خاندانن کي راشن جو پورو پيڪيج ۽ صفائي سٿرائي لاء هائيجن ڪٽ فراهم ڪيو آهي ۽ وڌيڪ 300 خاندانن کي پڻ ساڳيو پيڪيج ڏنو ويندو.ان کان علاوه ساڳي متاثرن کي هڪ مهيني کانپوء به راشن وارو پيڪيج ٻيهر به ڏنو ويندو.ان موقعي تي متاثرن ميڊيا سان ڳالهائىندي چيو ته عالمي سماجي اداري سولڊرٽي انٽرنيشنل ۽ سچل ويلفيئر آرگنائيزيشن جا شڪر گذار آهيون جنهن برسات متاثر غريب ۽ مستحق خاندانن کي راشن ۽ صفائي سٿرائي جو ٻيو سامان مهيا ڪيو۔متاثرن وڌيڪ چيو ته عالمي سماجي ادارو سولڊرٽي انٽرنيشنل ۽ سچل ويلفيئر آرگنائيزيشن يوسي ناوڙا,شاهپور,جاگير ۽ رمضان پور جهڙن برساتن ۾ مڪمل طور پاڻي هيٺ آيل علائقن ۾ بلا تفريق ڪم ڪيو.سولڊرٽي انٽرنيشنل انهن يوسين جي متاثر گوٺن کي مٺي پاڻي جي فراهمي لا نلڪا ۽ پاڻي ڳوٺاڻن جي درن تائين پهچائڻ لاء لائنون لڳائي رهي آهي جيڪو قابل تحسين ڪم آهي۔متاثر ڳوٺاڻن وڌيڪ چيو ته عالمي سماجي ادارو ڳوٺن ۾ ماڻهن جي ضرورتن کي نظر ۾ رکندي ليٽرين پڻ ٺاهي ڏئي رهي آهي جيڪو ڪم قابل تحسين ڪم آهي ۽ اسين جيڪب آباد جي عوام پاران سولڊرٽي انٽرنيشنل جا شڪر گذار آهيون جنهن هن مشڪل وقت ۾ جيڪب آباد جي ماڻهن جي مدد ڪئي.اسين سولڊرٽي انٽرنيشنل جي اعلي عملدارن کي اپيل ٿا ڪيون ته جيڪب آباد هڪ پٺتي پيل ضلعو آهي ان لاء اتي وڌيڪ ڪم جي ضرورت آهي