نوشھروفيروز ۾ تپيدارن ۽ آفيس عملي جو مختيارڪار خلاف سندس آڦيس آڏو احتجاج

آل سنڌ تپيدار يونين اڳواڻ جي عبدالمجيد ڳوراهو، نالي مٺو پيرزادو ۽ ٻين جي اڳواڻي ۾ احتجاج ڪيو ويو

نوشهرو فيروز (ڊر) مختيارڪار نوشهروفيروز جي هٺ ڌرمي ۽ کاتيدارن جا ڪم ڪار نه ڪرڻ خلاف آفيس عملي ۽ تپيدارن جو مختيار ڪار خلاف سندس ئي آفيس ۾ احتجاجي ڪميپ قائم ڪري ورتي احتجاج جي اڳواڻي آل سنڌ تپيدار يونين اڳواڻ عبدالمجيد ڳوراهو، تپيدار نالي مٺو پيرزادو، ملوڪ راڄپر، روينيو اپمپلائي يونين اڳواڻ غلام مرتضیٰ مشوري، بابر لاشاري ۽ ٻيا ڪري رهيا هيا جن نعري بازي پڻ ڪئي ان موقعي ڌرڻي تي ويٺل مظاهرين ميڊيا اڳيان دانهيندي چيو ته جنهن ڏينهن کان مختيارڪار روينيو نوشهروفيروز آفيس جي چارج مختيارڪار عزيز جوڻيجو سنڀالي آهي ان ڏينهن کان آفيس جو سمورو ڪم ڪار ٺپ ٿي ويو آهي جنهن سبب کاتيدار ڪم نه ٿيڻ جي صورت ۾ شڪايتون ڪرڻ سان گڏ اسان کي گهٽ وڌ ڳالهائي وڃن ٿا هنن چيو ته گذريل ٻن مهينن کان آفيسر جي بليڪ ميلنگ ۽ هٺ ڌرمي جي ڪري آفيس جو ڪم ڪار ٺپ آهي جيڪو عوام جي ڪمن ۾ دلچسپي ئي نه ٿو وٺي روز بهانا ڪري ڪم ٽاري ڇڏي ٿو ايتري قدر جو ڊوميسايل پي آر پي جي ڪاغذن تي به صحيح نه ٿو ڪري جنهن سبب نوجوان پريشان آھن ھنن نگران وزير اعلا سنڌ , چيف سيڪريٽري سنڌ , سينيئر ميمبر بورڊ آف روينيو ڪمشنر شهيد بينظير آباد، ڊپٽي ڪمشنر نوشهروفيروز سميت ٻين وس وارن اعلا عملدارن کان گهر ڪئي ته نااهل مختيارڪار عزيز جوڻيجو کي هٽائي اهل مختياڪار مقرر ڪرايو وڃي ته جيئن آفيس جو ڪاروهنوار هلي سگهي ٻي صورت ۾ سخت احتجاجي تحريڪ هلائي ويندي