گڏاپ ۾ بھار فائونڊيشن پاران شھيد ڀڳت ڪنور رام کي ڀيٽا پيش

164 views | 02nd Nov 2023 • سنڌي خبرون

منھنجي امڙ پبلڪ لائبريري ۾ تقريب منعقد

گڏاپ (محمد علي خاصخيلي) بھار فائونڊيشن پاران منھنجي امڙ پبلڪ لائبريري ۾ سنڌ ڌرتي جي امر راڳي شھيد ڀڳت ڪنور رام کي ڀيٽا پيش ڪرڻ لاء يادگار تقريب منعقد ڪئي وئي ، ڀڳت ڪنور رام پنھنجي عمل ۽ ڪم جي ڪري اسان جي دلين ۾ زنده آھي جڏھن ت انکي شھيد ڪندڙ جانو جلباڻي قيامت تائين ڌرتي جو بد نما ڪردار بڻجي ويو آھي محمد قاسم پٺاڻ ان موقعي تي بھار فائونڊيشن جي چيئرمين محمد سچل وڌو ، عبدالوھاب سومرو ،پنھل لاڙڪ ،غلام مصطفي عباسي، مشتاق اڄڻ ، عرفان عباسي ۽ پروفيسر احمد خان شر جن ڳالھائيندي چيو ت سنڌ ۾ مذھبي انتھا پسندي جي تمام گھڻو نقصان رسيو آھي ڀڳت ڪنور رام سنڌ ڌرتي جو نرالو ۽ بيباڪ شخص ھو جنھن لاء سنڌ جا سڄاڻ ماڻھو رت جا ڳوڙھا ڳاڙين ٿا ، ڀڳت ڪنور رام جي ناحق ٿيل خون کانپوء سنڌ تعصب پرستي فرقي پرستي مذھبي ڪٽرپڻي ۽ پرتشدد واقعن جو مرڪز بڻجي چڪي آھي شھيد ڀڳت ڪنور رام جي ناحق خون کانپوء سنڌ اسيمبلي جي ميمبر سماج سڌارڪ پروفيسر ھاسارام کي ب 17جولاء 1940ع تي روھڙي ۾ قتل ڪيو ويو انسان ذات محبت جي علامت مان نڪري نفرت جي آڙاھ ۾ سڙڻ لڳي آھي ھنن وڌيڪ چيو ت ڀڳت ڪنور رام ڌرتي جو نرالو ۽ بيباڪ شخص ھو جنھن ھميشه انسانن جي خدمت ڪئي ان موقعي تي شھيد راڳي ڀڳت ڪنور رام جي تصوير مٿان گل نڇاور ڪرڻ کانپوء ميڻ بتيون ٻاري سندس جو چيل ڪلام نالي الک جي ٻيڙو تار منھنجو ڳائي کيس ڀيٽا پيش ڪئي وئي