شڪارپور پوليس پاران اغوا ڄاڻايل شاگردياڻي کي بازياب ڪرائڻ جي دعويٰ

3ڏينھن اڳ اغوا ٿيل ڇھين درجي جي شاگردياڻي طاھرھ شيخ کي بازياب ڪرايو آھي: ايس ايس پي

شڪارپور ( احسان ابڙو ) شڪارپور پولیس جي ڪامياب ڪارروائي، ٽارگيٽڊ آپريشن دوران يرغمال نينگري باحفاظت بازياب، اغوا ڪندڙ فرار. ايس ايس پي شڪارپور جو چوڻ آھي تھ مديجي لڳ جندوديرو جي ڳوٺ مان 3 ڏينهن اڳ ڇھين ڪلاس ۾ پڙھندڙ 13 سالن جِي شاگردياڻيءَ جي اغوا ٿيڻ جو اطلاع مليو ھو. واقعي جو اطلاع ملڻ تي ايس ايس پي شڪارپور خالد مصطفي ڪورائي ايس ايڇ او مديجي کي جلد کان جلد نينگريءَ کي باحفاظت بازياب ڪرائڻ جي ھدايت ڪئي ھئي. اغوا ٿي ويل ڇھين ڪلاس جِي شاگردياڻيءَ جِي بازيابيءَ لاءِ ايس ايس پي شڪارپور خالد مصطفي ڪورائي خصوصي ٽيم جوڙي ھئي. اغوا ڪندڙ منيب عرف غلام سرور ۽ پپو ڀٽو شاگردياڻيءَ کي اغوا ڪري جندوديرو جي ڳوٺ پنھنجي ئي گھر ۾ قيد ڪيو ھو. جوڙيل ٽيم خفيه اطلاع ملڻ تي جندوديرو جي ڳوٺ تي مغوي نينگري ۽ اغوا ڪندڙن تي ٽارگٽيڊ آپريشن ڪيوٽارگيٽڊ آپريشن دوران مديجي لڳ جندوديرو جي رھواسڻ 13 سالن جي طاهره ڌيءَ عزيزالله شيخ کي باحفاظت بازياب ڪرائي ورتو جڏهن ته اغوا ڪار فرار ٿي ويا، بازياب ٿيل نينگري وومين پروٽيڪشن سيل ڏانهن منتقل ڪئي وئي آهي جنھن کي سڀاڻي عدالت ۾ پيش ڪيو ويندو، اغوا ڪندڙن جي گرفتاري لاءِ ڪارروايون ڪيون پيون وڃن کين جلد گرفتار ڪيو ويندو