سجاول ويجھو ڪار اونھي کاھي ۾ ڪِري پئي، ڊرائيور فوت

views | 22nd Oct 2023 • سنڌي خبرون

علائقي واسين ڊرائيور جو لاش ٻاھر ڪڍي ورتو، غلام مصطفيٰ عرف جمڙو طور سڃاڻپ

سجاول ويجھو ڪار اونھي کاھي ۾ ڪِري پئي، ڊرائيور فوت

سجاول (رپورٽر) تيز رفتار ڪار ڊرائيور جي ڪنٽرول مان نڪري اونھي کاھي ۾ ڪري پئي، جنهن سبب 40 ورهين جو ڊرائيور موقعي تي ئي فوت ٿي ويو، علائقي واسين پوليس کي اطلاع ڏنو، پوليس واقعي واري هنڌ پهچي لاش کي ٻاھر ڪڍيو. علائقي واسين ۽ پوليس پاران پاڻي مان هٿ آيل لاش کي رورل هيلٿ سينٽر چوهڙ جمالي آندو ويو،فوتي جي سڃانپ غلام مصطفى عرف جمڙو جي نالي سان ٿي آهي جتان ضروري ڪارروائي بعد لاش وارثن حوالي ڪيو ويو، ذريعن موجب قادر ڏنو شاهه روڊ تي ميان احمد جت وٽ تيز رفتاري سبب حادثو پيش آيو.