گڏاپ: گلشن سيد ٽينٽ سٽي ۾ ٻوڏ متاثرن ۾ راشن ورھايو ويو

ڪوشش آهي ته ھينڊز پاڪستان پاران مسڪين ماڻهن جي وڌ کان وڌ خدمت ڪريون: حرا خالد/ اڪبر شاھ ڪاظمي

گڏاپ (رپورٽر) ڪراچيء جي اولھ ضلعي ۾ نادرن باء پاس لڳ عمر بروھي ويجهو سيد احمد شاھ ڪاظميء پاران برسات ۽ ٻوڏ متاثرن لاء قائم گلشن سيد ٽينٽ سٽيء ۾ ھينڊز اين جي اوز پاڪستان جي سھڪار سان سوين مسڪين ٻوڏ متاثرن ۾ راشن تقسيم ڪيو ويو۔ اسان جي ڪوشش آهي ته ھينڊز پاڪستان پاران مسڪين ماڻهن جي وڌ کان وڌ خدمت ڪريون:ميڊم حرا خالد/ اڪبر شاھ ڪاظمي/سينيئر صحافي ۽ سوشل ورڪر غلام مرتضيٰ ڪيريو۔ تفصيل موجب گذريل ڏينهن گلشن سيد ٽينٽ سٽيء ۾ ھينڊز اين جي اوز جي ٽيم ميڊم حرا خالد لطف الله سياسي سماجي اڳواڻ سيد علي اڪبر شاھ ڪاظمي۔ سينيئر صحافي ۽ سوشل ورڪر غلام مرتضيٰ ڪيريو۔ ڪامريڊ وقار علي وڳڻ۔ اياز جلباڻي۔ غازي چانڊيو نصيرالدين چانڊيو اسد الله ڦلپوٽو ۽ ٻين گلشن سيد ٽينٽ سٽيء ۾ مسڪين ماڻهن ۾ گهر جو راشن تقسيم ڪيو ويو۔ ان موقعي تي ميڊم حرا خالد ميڊيا سان ڳالھائيندي چيو ته ھينڊز پاڪستان اين جي اوز وڏي پيماني تي پاڪستان ۾ ڪم ڪري رھي آهي پر سنڌ ۾ تازو آيل ٻوڏ بعد پنهنجي گهرن کان دربدر ٿيل مسڪين ماڻهن جي خدمت ڪري رھيا آھيون ھنن چيو ته اسان گلشن سيد ٽينٽ سٽيء ۾ ويٺل مسڪين ماڻهن کي گهر جو راشن ڏئي رھيا آھيون اڳتي به ڪوشش ڪنداسين ته مسڪين ماڻهن جي وڌ کان وڌ خدمت ڪريون جڏهن ته سيد علي اڪبر شاھ ڪاظمي ۽ سينيئر صحافي ۽ سوشل ورڪر غلام مرتضيٰ ڪيريو چيو ته اسان ھينڊز پاڪستان اين جي اوز جا تمام گھڻا ٿورائتا آھيون جيڪي گلشن سيد ٽينٽ ۾ مسڪين ماڻهن جي خدمت ڪري رھيا آهن ھنن چيو ته اسان ھتي سيد احمد علي شاھ ڪاظمي جو به ذڪر ڪنداسين جيڪو گذريل سال کان وٺي ھتي ويٺل ماڻهن سان وڏي پيماني تي خدمت ڪري رھيو آهي ۔ اسان سرنديء وارن ماڻهن کي به اھو چونداسين ته ھتي مسڪين ماڻهن کي کوڙ سارين شين جي وڏي ضرورت آهي جيڪي ھتي اچي مسڪين ماڻهن جي مدد ڪن ته جيئن اھي پرسڪون زندگي گذاري سگهن۔