ضلعي ڪائونسل ٺٽي جو ٽيڪسيشن آفيسر منشيات سميت گرفتار

پوليس پاران عبدالڪريم ڪنڀار ۽ عبدالغني ڪنڀار وٽان منشيات ھٿ ڪرڻ جي دعويٰ

ٺٽو(رپوٽ شفيق ڀٽي) ضلعي ڪائونسل ٺٽي جو ٽيڪسيشن آفيسر عبدالڪريم ڪنڀار پنھنجي ساٿي عبدالغني ڪنڀار سميت سرڪاري گاڏي ۾ منشيات سميت ميرپور ساڪرو ڀرسان پوليس ھٿان گرفتار، وڏي تعداد ۾ منشيات برآمد، ڪيس داخل. تفصيل موجب ايس ايڇ او ميرپورساڪرو انسپيڪٽر مظھر علي سومرو پوليس عملي سان گڏ سنيپ چيڪينگ دوران ميرپورساڪري لڳ ٽانڪاڻي اسٽاپ وٽ ڪاروائي ڪندي سرڪاري نمبر پليٽ واري ڪلٽس ڪار نمبر GSD 767 کي روڪي چيڪينگ دوران سرڪاري ڪار مان پوليس کي 6640 پيڪٽ انڊين سفينا ۽ وڏي تعداد ۾ گٽڪو مائو برامد ڪري 2 منشيات فروشن ضلعي ڪائونسل ٺٽي جي ٽيڪسيشن آفيسر عبدالڪريم ڪنڀار ۽ سندس ساٿي عبدالغني ڪنڀار کي گرفتار ڪري سرڪاري ڪار کي تحويل ۾ وٺي گرفتار منشيات فروشن خلاف ميرپور ساڪرو ٿاڻي تي منشيات ايڪٽ تحت ساڪرو پوليس ڪيس داخل ڪري گرفتار جوابدارن کي جيل حوالي ڪري ڇڏيو آھي، ٻئي طرف ايس ايس پي ٺٽو آفتاب نظاماڻي چيو اھي تہ گرفتار ضلعي ڪائونسل ٺٽي جي ٽيڪسيشن آفيسر عبدالڪريم ڪنڀار ۽ سندس ساٿي عبدالغني ڪنڀار کان وڏي تعداد ۾ سفينا چورو ۽ ٻئي منشيات هٿ ڪئي آهي، ھن چيو تہ گٽڪو ۽ منشيات وڏي لعنت آهي، ان ۾ ملوث جيڪو به ماڻهو گرفتار ٿيندو ان خلاف سخت ڪاروائي ٿيندي، پوءِ اهو چاهي سرڪاري ملازم هجي يا آفيسر، ھن چيو تہ سندن ڏوھارين توڙي منشيات فروشن جي خاتمي تائين ڪاروائون بنا ڪنھن وقفي جي جاري رھنديون، ڪوبہ ڏوھاري يا منشيات فروش قانون کان ڪڏھن بہ بچي نٿو سگھي.ٻي پاسي لوڪل گورنمنٽ پاران سخت ايڪشن کڻندي ڪريم ڪنڀار کي سسپينڊ ڪري مٿس انڪوائري شروع ڪري ڇڏي آھي