سجاول ۾ بدامنيءَ تي ضابطو نھ آيو، بدين واسي واپارين کان لکين روپيا ڦر

15 views | 07th Oct 2023 • سنڌي خبرون

ڪراچي ۾ چوپايو مال وڪڻي بدين وڃي رھيا ھئاسين تھ سجاول ويجھو ڦر ٿي: متاثر

سجاول (رپورٽر) سجاول ۾ بدامنيءَ جي لهر ڇانيل بدين واسي مال جي واپارين کان سجاول ويجھو ڦورو ھٿيارن جي زور تي تشدد ڪري 9 لک رپيا روڪ رقم ۽ موبائل فون ڦر ڪري فرار ٿي ويا . بدين واسي چوپائي مال جا واپاري الله بخش سمون لال بخش غلام مصطفیٰ ۽ محمد بخش سمون ڪراچي ۾ چوپايو مال وڪرو ڪري واپس لونواري شريف بدين وڃي رھيا ھئا ته ٺٽي روڊ کان ڪار سوار ھٿياربندن انھن جو پيڇو ڪري سجاول ويجهو بدين روڊ تي ھٿيار سم نالي وٽ ھٿيارن جي زور تي روڪي مٿن سخت تشدد ڪري 9 لک رپيا روڪ رقم ۽ موبائل فونون ڦر ڪري فرار ٿي ويا. متاثر واپارين پوليس اسٽيشن سجاول ۾ اھڙي اين سي داخل ڪرائي آھي