ڀارتي بارڊر سيڪيورٽي فورس پاڪستاني مھاڻي کي کنڀي کڻي وئي

193 views | 24th Sep 2023 • سنڌي خبرون

گرفتار ماھيگير جو تعلق ڳوٺ طيب ملاح بدين سان ٻڌايو پيو وڃي

ٺٽو( ڊر)ڀارتي بارڊر سيڪورٽي فورس حرامي ڍوري مان پاڪستاني ماهيگير محبوب ملاح کي هڪ ننڍڙي ٻيڙيء سميت گرفتار ڪري انڊيا کڻي ويئي، گرفتار ماھيگير جو تعلق ڳوٺ طيب ملاح بدين سان ٻڌايو پيو وڃي، ياد رھي تہ ضلعي سجاول جا 39 ماهيگير اڳيئي سالن کان ڀارتي جيلن ۾ قيد آھن، جن جي آزادي لاء پاڪستاني سرڪار ڪجھ بہ ڪرڻ لاء تيار ناھي، ٻئي طرف ملاح اڳواڻ ڏاڏا آدم گندرو، محمد ايوب ملاح، محمد خان ملاح ۽ ٻين چيو آھي تہ سمنڊ اندر حدبنديون نہ ھجڻ ڪري ھميشہ ڀارتي فورسز پاڪستاني حدن مان پاڪستاني ماھيگيرن کي گرفتار ڪري کڻي وڃي ٿي، جن جا خاندان سرڪاري سطح تي پوئيواري نہ ڪرڻ ڪري بک ۽ بدحالي جو شڪار بڻيل اھن، ملاح اڳواڻن نگران حڪومت جي اعلي اختيارين کان مطالبو ڪيو آھي تہ فورن عربي سمنڊ اندر حدبنديون ظاھر ڪري گرفتار سمورن پاڪستاني کي ازاد ڪري گرفتار پاڪستاني ماھيگيرن جي پوئيواري ڪري کين بک ۽ بدحالي کان بچايو وڃي.