سجاول ۾ واپاري ايسوسيئيشن پاران اسسٽنٽ ڪمشنر رضوان عالم خلاف شٽربند ھڙتال ۽ احتجاج

شيڊيول جاري ڪرڻ بدران ھول سيل جي دڪانن ۽ گودامن تي ڇاپا ھنيا ويا: واپاري

سجاول (رپورٽر) سجاول ۾ واپاري ايسوسيئيشن پاران اسسٽنٽ ڪمشنر سجاول رضوان عالم خلاف مڪمل ڪاروبار بند ڪري پريس ڪلب سجاول اڳيان احتجاجي مظاهرو ڪيو ويو خبر موجب: اسسٽنٽ ڪمشنر سجاول رضوان عالم پاران سجاول شھر ۾ ريٽ لسٽون چيڪ ڪيون ويون ۽ واپارين جا دڪان سيل ڪيا ويا انھيءَ موقعي واپاري ايسوسيئيشن ضلعي سجاول جي سڏ تي واپارين ڪاروبار بنڌ ڪري سجاول پريس ڪلب پھچي احتجاجي مظاهرو ڪيو۽ ضلعي انتظاميا خلاف شديد نعريبازي ڪئي انھيءَ موقعي تي واپاري ايسوسيئيشن اڳواڻن حافظ رياض ميمڻ،ساگر ڪمار،حاجي محمد ميمڻ،حافظ سومار ميمڻ،زبير ميمڻ ،اويس ميمڻ،عادل ميمڻ،پرديپ ڪمار،يعقوب عرف پوڙھو ميمڻ،شعيب ميمڻ،فاروق احمد ميمڻ،۽ ٻين صحافين سان ڳالهائيندي چيو ته اسان جمعي جي ڏينهن ڊي سي سجاول سان ملاقات ڪئي ھئي جنھن ۾ اسان دڪانن تي اسٽاڪ جو شيڊول جاري ڪرڻ لاء چيو ھو ضلعي انتظاميا اسان کي 3ڏينھن ۾ سمورو شيڊول ڏيڻ جو يقين ڏياريو ھو پر 3 ڏينھن ۾ اسان کي شيڊول ڏيڻ بدران اڄ ٻيھر اسان جي دڪانن تي ڇاپا ھنيا آھن اسان جا ھول سيل جا دڪان آھن اسان وٽ فقط ھڪ ڏينھن جو اسٽاڪ رکيل آھي پر ضلع انتظاميه اسان جا دڪان سيل ڪيا اسان انھيءَ جي مزمت ڪيون ٿا اسان اعلي اختيارين کان مطالبو ڪريون ٿا ته اسان کي شيڊول جاري ڪري ڏنو وڃي اسان ان شيڊول تحت پنھنجو ڪاروبار ڪريون اڄ اسسٽنٽ ڪمشنر سجاول بنا جواز اسان جا دڪان سيل ڪيا آھن انھن دڪانن جي سيل کي ختم ڪن نه ته ٻي صورت ۾ سڀاڻي مڪمل ڪاروبار بند ڪري شٽر بند هڙتال ڪئي ويندي جيستائين اسان جو مسئلو حل نه ٿيو تيستائين احتجاج جاري رهندو