ميرپورخاص ۾ صحافي ۽ پريس ڪلب جي ميمبر توڙي سندس خاندان جي ڪردارڪشي خلاف ھنگامي اجلاس

اجلاسن ۾ ايف آئي اي سائبر ڪرائم سميت لاڳاپيل ادارن کان ڪارروائي ۽ صحافي کي تحفظ ڏيڻ جو مطالبو

ميرپورخاص (بيورو رپوٽ) ايوان صحافت جي انفارميشن سيڪريٽري ۽ ميرپورخاص يونين آف جرنلسٽس (muj) جي ميمبر علي رضا رند ۽ سندس خاندان جي سوشل ميڊيا تي جعلي آئي ڊي استعمال ڪندي انتهائي گندي، بي حيائي ۽ فحش ڪردار جي تصوير پيش ڪرڻ تي ايوان صحافت ۽ ايم يو جي جو ڌار ڌار هنگامي مذمتي اجلاس ايف آئي اي سائبر ڪرائم سميت لاڳاپيل ادارن ضلعي ۽ ڊويزنل انتظاميا کان مطالبو ڪيو ته فوري قانوني ڪارروائي ڪري صحافي کي تحفظ فراهم ڪرڻ جو مطالبو ڪيو . متفقه ٺهراءُ منظور ڪندي جرنلزم ڪائونسل جي سينيئر صحافين ۽ ايم يو جي جي سينئر صحافين چيو ته اهڙي قسم جا بزدلاڻا حربا پريس جي آزادي کي محدود نٿا ڪري سگهن ۽ نه ئي راءِ ۽ قلم کي سچ لکڻ کان روڪي سگهن ٿا. ايوان صحافت جو اهو مذمتي اجلاس صدر فضل شر جي صدارت هيٺ ٿيو، جنهن ۾ ايوان صحافت جي سمورن ميمبرن شرڪت ڪئي، جڏهن ته ايم يو جي آئين جو مذمتي اجلاس صدر راشد سليم جي صدارت هيٺ ٿيو. ٻنهي مذمتي اجلاسن ۾ صحافي رضا رند ۽ سندس والد صحافي سجاد رند جي جعلي فيس بڪ آئي ڊي سوشل ميڊيا تي هلندڙ انتهائي فحش مهم خلاف متفقه طور تي ٺهراءُ پاس ڪيا ويا ۽ لاڳاپيل اختيارين ۽ صوبائي ۽ وفاقي ادارن کان فوري قانوني ڪارروائي جو مطالبو ڪيو ويو.